“Inilalagay Ko’ng bahaghari sa alapaap,

at siyang magiging tanda ng kasunduan

Ko at ng lupa.”

I

Ito’ng orihinal na mga salitang

binigkas ng Lumikha sa tao.

Pagkasabi Niya, lumitaw ang bahaghari.

Nananatili ito hanggang ngayon.

Ang bahaghari’y tanda ng kasunduan

sa pagitan ng Diyos at tao,

pagpapatuloy ng kapangyarihan ng Diyos

matapos bigkasin ang mga salita Niya.

‘Di kailangan ng siyentipikong batayan,

‘di tao ang gumawa nito,

walang tao’ng makababago nito, oohhh woah!

“Diyos ay kasingbuti ng salita Niya’t

salita Niya’y matutupad,

at yaong natutupad Niya’y

mananatili magpakailanman.”

Ganyang salita’y ‘pinapahayag dito

para makita ng lahat,

malinaw na tanda’t katangian

ng awtoridad ng Diyos.

II

Ang Lumikha ay gumamit ng paraan Niya

upang tuparin ang pangako’t kasunduan,

at bahaghari’y ginamit bilang tanda

ng kasunduan Niya sa tao.

Ito’y utos at batas ng kalangitan

na mananatiling ‘di magbabago,

patungkol man sa sangkatauhan o sa Lumikha.

Sa batas na ‘to kapangyarihan Niya ay makikita,

tulad ng sa paglikha ng mga bagay at tao;

awtoridad Niya ay walang-hanggan, oohhh woah!

III

Bahagharing ‘to’y isa pang pagkilos

ng Diyos gamit ang mga salita Niya,

tanda ng kasunduang ginawa ng Diyos

sa tao gamit ang mga salita Niya.

Sinabi Niya sa tao’ng makakamit Niya,

paano ito matutupad.

Sa paraang ‘to ang bagay ay natupad

ayon sa mga salitang galing sa bibig ng Diyos.

Diyos lang ang may gayong kapangyarihan,

at ngayon, ilang libong taon

matapos Niyang ihayag,

kita pa rin ng tao’ng bahagharing

ginawa ng salita ng Diyos.

IV

Dahil sa yaong mga sinabi ng Diyos,

bagay na ‘to’y nananatiling ‘di nabago

hanggang ngayon.

Walang makatatanggal sa bahagharing ‘to,

at makababago sa mga batas nito.

Umiiral lang ito sa mga salita ng Diyos.

Ito mismo ang awtoridad ng Diyos.

“Diyos ay kasingbuti ng salita Niya’t

salita Niya’y matutupad,

at yaong natutupad Niya’y

mananatili magpakailanman.”

Ganyang salita’y ‘pinapahayag dito

para makita ng lahat,

malinaw na tanda’t katangian

ng awtoridad ng Diyos.

Hango sa Ang Salita, Vol. II. Ukol sa Pagkakilala sa Diyos. Ang Diyos Mismo, ang Natatangi I