EBANGHELYO NG PAGBABA NG KAHARIAN

Ang Makapangyarihang Diyos, si Cristo ng mga huling araw, ay nagpahayag ng lahat ng katotohanan na makapagliligtas sa sangkatauhan. Ang mga katotohanang ito ay napakahalaga pagdating sa pagkakamit ng mga tao ng kaligtasan. Gayunpaman, nararamdaman ng maraming tao na napakaraming salita ang sinabi ng Diyos—hindi nila alam kung saan sisimulang basahin ang mga ito o kung aling mga katotohanan ang kailangang pasukin. Upang makalatag ng pundasyon ang mga hinirang ng Diyos sa lalong madaling panahon, at makapasok sa tamang landas sa pananampalataya sa Diyos at sa kaligtasan, binuo ng sambahayan ng Diyos ang aklat na ito, para gamitin sa buhay-iglesia at para sa pagkain at pag-inom ng mga hinirang ng Diyos sa Kanyang mga salita. Ang aklat na ito ay nahahati sa limang pangunahing bahagi. Ang unang bahagi ay ukol sa mga katotohanan tungkol sa mga pangitain, mayroong sampung paksang nakapaloob dito, kabilang na ang misteryo ng pagkakatawang-tao, ang tagong kwento ng tatlong yugto ng Kanyang gawain, ang misteryo ng gawain ng paghatol ng Diyos sa mga huling araw, at iba pa. Ang ikalawang bahagi ay ukol sa mga katotohanan na may kaugnayan sa paglutas ng iba’t ibang kuru-kurong panrelihiyon, at mayroong 22 paksang nakapaloob dito. Ang ikatlong bahagi ay ukol sa mga katotohanang may kaugnayan sa paglutas ng iba’t ibang tiwaling disposisyon, at mayroong 32 paksang nakapaloob dito. Ang ikaapat ay ukol sa mga katotohanang may kaugnayan sa pagkilatis ng mga walang pananampalataya, masasamang tao, mga huwad na lider, at mga anticristo, mayroong 12 paksang nakapaloob dito. Ang ikalimang bahagi ay ukol sa mga katotohanan na may kaugnayan sa paghahangad sa kaligtasan at sa pagkakaperpekto, at mayroong 46 paksang nakapaloob dito. Masasabing ang mga katotohanang sinasaklaw ng limang bahaging ito ay ang mga pangunahing katotohanan na dapat maunawaan ng mga mananampalataya sa Diyos. Kung madalas na kumakain, umiinom, nagbabahaginan, at nagninilay-nilay tungkol sa mga katotohanang ito ang mga hinirang ng Diyos, unti-unti nilang mauunawaan ang katotohanan, mapapasok ang realidad, at matatamo ang pagliligtas ng Diyos. Kung, sa batayang ito, ay hahangarin nilang pasukin ang lahat ng katotohanang hiningi ng Diyos, makakamit nila ang katotohanan at ang walang hanggang buhay.

Ang aklat na ito ay naglalaman ng mga tinipon na katanungan at kuru-kuro na karaniwan sa mga taong naghahanap at nagsisiyasat sa tunay na daan, na binibigyan nito ng solusyon na may kalakip na mga salita ng Makapangyarihang Diyos. Malaking pakinabang sa mga tao ang mga katanungan at sagot na ito upang maunawaan ang katotohanan at siyasatin ang tunay na daan, at napakahalaga ring sanggunian ang mga ito para sa mga hinirang na tao ng Diyos habang ipinapalaganap nila ang Kanyang mga salita at pinatototohanan ang Kanyang gawain. Dinirinig ng mga tupa ng Diyos ang Kanyang tinig, at kung matuklasan nila ang katotohanan at makilala na ang mga salita ng Makapangyarihang Diyos ay ang tinig ng Diyos matapos mabasa ang aklat na ito, kung magkagayon, sila ang matatalinong dalaga na sumalubong sa Panginoon.

Ang aklat na ito ay isang pagtitipon ng mga mapangitaing katotohanang tulad ng tatlong yugto ng gawain ng Diyos, Kanyang mga pangalan, hiwaga ng Kanyang pagkakatawang-tao, at kung paano makakatukoy sa pagitan ng tunay na daan at ng mga maling daan. Maaari itong basahin at gamitin ng mga taong kailan lamang natanggap ang gawain ng Diyos sa mga huling araw, upang maunawaan nila ang mga mapangitaing katotohanan ng gawain ng Diyos at makapaglatag sila ng mga pundasyon nang mabilis hangga’t maaari sa tunay na daan.

Makikilala ng matatalinong dalaga ang tinig ng Diyos at makikita ang Kanyang pagpapakita mula sa Kanyang mga pahayag, at sasalubungin ang pagbalik ng Panginoon. Ang aklat na ito ay isang koleksyon ng mga katotohanang may kaugnayan sa pagkakatawang-tao ng Diyos at sa Kanyang tatlong yugto ng gawain ng pagliligtas. Ang mga katotohanang ito ay nagpapatotoo sa pagpapakita at gawain ng Makapangyarihang Diyos, ang Cristo ng mga huling araw: Ang Makapangyarihang Diyos ang nagbalik na Panginoong Jesus, at ipinahayag na Niya ang katotohanan at ginagawa ang gawain ng “paghatol simula sa bahay ng Diyos” sa mga huling araw, sa gayon ay inaakay ang sangkatauhan na bumalik sa luklukan ng Diyos.

Ang aklat na ito ay humahango ng mga sipi mula sa mga iskrip ng pelikula ng mahahalagang tanong at sagot na may kaugnayan sa katotohanan. Ang mahahalagang sagot na ito ay binubuo ng mga karanasan at pagkaunawa ng mga hinirang ng Diyos sa katotohanan ng Kanyang mga salita, at nagmumula sa kaliwanagan at pagpapalinaw ng Banal na Espiritu. Hindi lamang malulutas ng aklat na ito ang anumang mga isyu at palagay ng mga naghahanap sa katotohanan at nagsisiyasat sa tunay na daan, kundi isa rin itong kahanga-hangang sanggunian na magagamit ng mga hinirang ng Diyos upang masangkapan ang kanilang sarili ng katotohanan at magpatotoo sa gawain ng Diyos.