EBANGHELYO NG PAGBABA NG KAHARIAN

Ang Makapangyarihang Diyos, Cristo ng mga huling araw, na nagpakita upang gawin ang Kanyang gawain, ay ipinahahayag ang lahat ng katotohanang nagdadalisay at nagliligtas sa sangkatauhan, at lahat ng mga ito ay kasama sa Ang Salita ay Nagpapakita sa Katawang-tao. Naisakatuparan nito ang nakasulat sa Biblia: “Nang pasimula siya ang Verbo, at ang Verbo ay sumasa Diyos, at ang Verbo ay Diyos” (Juan 1:1). Para sa Ang Salita ay Nagpapakita sa Katawang-tao, ito ang unang pagkakataon mula noong paglikha ng mundo na nangusap ang Diyos sa buong sangkatauhan. Ang mga pagbigkas na ito ang bumubuo sa unang tekstong ipinahayag ng Diyos sa sangkatauhan kung saan inilalantad Niya ang mga tao, ginagabayan sila, hinahatulan sila, at nagsasalita Siya nang tapatan sa kanila at ito rin ang unang mga pagbigkas kung saan ipinaaalam ng Diyos sa mga tao ang Kanyang mga yapak, ang lugar na Kanyang pinaghihimlayan, ang disposisyon ng Diyos, kung ano ang mayroon at kung ano ang Diyos, ang mga kaisipan ng Diyos, at ang Kanyang pag-aalala sa sangkatauhan. Masasabi na ito ang mga unang pagbigkas na sinambit ng Diyos sa sangkatauhan mula sa ikatlong langit simula noong paglikha, at ang unang pagkakataon na nagamit ng Diyos ang Kanyang likas na pagkakakilanlan upang magpakita at ipahayag ang tinig ng Kanyang puso sa sangkatauhan sa gitna ng mga salita. Ang Salita ay Nagpapakita sa Katawang-tao (pinaikli bilang Ang Salita), na ipinahayag ni Cristo ng mga Huling Araw, ang Makapangyarihang Diyos, ay kasalukuyang binubuo ng anim na volume: Ang Unang Volume, Ang Pagpapakita at Gawain ng Diyos; ang Ikalawang Volume, Ukol sa Pagkakilala sa Diyos; ang Ikatlong Volume, Ang mga Diskurso ni Cristo ng mga Huling Araw; ang Ikaapat na Volume, Paglalantad sa mga Anticristo; ang Ikalimang Volume, Ang mga Responsibilidad ng mga Lider at Manggagawa; at ang Ikaanim na Volume, Ukol sa Paghahangad sa Katotohanan.

Ukol sa Pagkakilala sa Diyos, ang ikalawang volume ng Ang Salita ay Nagpapakita sa Katawang-tao ay naglalaman ng mga pahayag ni Cristo ng mga huling araw, ang Makapangyarihang Diyos, para sa buong sangkatauhan na kasunod ng mga nasa Ang Pagpapakita at Gawain ng Diyos. Ipinaliwanag ng Diyos ang tungkol sa gayong iba’t ibang katotohanan bilang gawaing Kanyang ginawa mula nang likhain ang mundo, napapaloob dito ang Kanyang kalooban at Kanyang mga inaasahan sa sangkatauhan, at ang pagbuhos ng lahat ng mayroon at kung ano ang Diyos mula sa Kanyang gawain, gayundin ang Kanyang pagiging matuwid, Kanyang awtoridad, Kanyang kabanalan, at ang katunayan na Siya ang pinagmumulan ng buhay para sa lahat ng bagay. Matapos basahin ang aklat na ito, makukumpirma ng mga tunay na nananalig sa Diyos na ang nakakagawa ng gawaing ito at nakakapagbunyag ng mga disposisyong ito ay Siya na may kataas-taasang kapangyarihan sa lahat ng bagay, at tunay rin nilang malalaman ang pagkakakilanlan ng Diyos, ang Kanyang katayuan, at ang Kanyang diwa, sa gayon ay makukumpirma na si Cristo ng mga huling araw, ang Makapangyarihang Diyos, ay ang Diyos Mismo, ang natatangi.

Ang mga Diskurso ni Cristo ng mga Huling Araw ay ang ikatlong volume ng Ang Salita ay Nagpapakita sa Katawang-tao na ipinahayag ng Makapangyarihang Diyos. Ang unang bahagi ng aklat ay binubuo ng mga sermon at pagbabahagi na ibinigay ng Makapangyarihang Diyos sa kongregasyon, ang ikalawang bahagi ay naglalaman ng mga diskurso ng Makapangyarihang Diyos sa mga lider at manggagawa, at ang ikatlong bahagi ay binubuo ng pagbabahagi ng Makapangyarihang Diyos sa isang bahagi ng mga taong hinirang Niya. Tinatalakay ng mga sermon at pagbabahaging ito ang mga problemang umiiral sa iglesia, gayundin ang mga praktikal na paghihirap sa pagpasok sa buhay ng mga hinirang ng Diyos. Hindi lamang itinuturo ng mga ito ang mga diwa at kasalukuyang sitwasyon ng mga tao, kundi tinatanglawan din ng mga ito para sa mga tao ang mga mithiing dapat nilang hangarin. Lubhang kapaki-pakinabang ang mga ito para sa pag-unawa ng mga tao sa katotohanan at pagtamo nila ng pagpasok sa buhay.

Ang Ukol sa Paghahangad sa Katotohanan ang ikaanim na volume ng Ang Salita ay Nagpapakita sa Katawang-tao. Nilalaman ng aklat na ito ang espesyal na pagbabahagi at pangangaral ng Makapangyarihang Diyos, Cristo ng mga huling araw, sa mga iglesia. Malinaw at klarong ipinapaliwanag ng mga sermon at pagbabahagi na ito kung ano ang kahulugan ng paghahangad sa katotohanan, at kung ano ang kabuluhan ng paghahangad sa katotohanan, na inihahayag ang iba’t ibang maling paniniwala at baluktot na pagkaunawa ng tao tungkol sa paghahangad sa katotohanan, gayundin ang iba’t ibang maling saloobin at pananaw, at mga negatibong emosyon ng tao, habang sinusuri at tinutukoy rin ang mga ito. Dagdag pa, itinuturo ng mga sermon at pagbabahaging ito sa tao ang mga landas ng paghahangad sa katotohanan at pagpasok sa realidad. Lubhang mahalaga ang mga katotohanang ito para matamo ng mga taong naghahangad sa katotohanan ang kaligtasan.

Ang mga seleksyon sa aklat na ito ay pawang mga salitang ipinahayag ng Makapangyarihang Diyos para sa Kanyang gawain ng paghatol sa mga huling araw, na pangunahing hinango mula sa Ang Salita ay Nagpapakita sa Katawang-tao, Vol. I. Ang Pagpapakita at Gawain ng Diyos. Ang mga ito ay mga katotohanang kailangang matamo agad ng bawat taong naghahanap at nagsisiyasat sa gawain ng Diyos sa mga huling araw. Ang mga pagpapahayag ng Diyos na nasa aklat na ito ay ang sinasabi ng Banal na Espiritu sa mga iglesia ayon sa ipinropesiya sa Aklat ng Pahayag. Ang kasalukuyang mga salita ng Diyos ang pinakamagandang patotoo sa Kanyang pagpapakita at gawain, at ang pinakamaganda ring patotoo sa katunayan na si Cristo ang katotohanan, ang daan, at ang buhay. Nilalayon ng aklat na ito na bigyang-kakayahan ang lahat ng nananabik sa pagpapakita ng Diyos na marinig ang Kanyang tinig sa lalong madaling panahon. Nawa ay mabasa ng lahat ng naghihintay sa pagdating ng Panginoon at nag-aasam sa pagpapakita at gawain ng Diyos ang aklat na ito.

Ang aklat na ito ay naglalaman ng mga sipi mula sa mahahalagang salitang ipinahayag ng Makapangyarihang Diyos, ang Cristo ng mga Huling Araw, sa Ang Salita ay Nagpapakita sa Katawang-tao. Ang mahahalagang salitang ito ay direktang nagpapaliwanag sa katotohanan, at maaaring direktang magbigay ng kakayahan sa mga tao na maunawaan ang kalooban ng Diyos, malaman ang Kanyang gawain, at magtamo ng kaalaman tungkol sa Kanyang disposisyon at kung ano ang mayroon Siya at ano Siya. Isang gabay ang mga ito para sa lahat ng nananabik sa pagpapakita ng Diyos upang mahanap ang Kanyang mga yapak. Maaakay ka ng mga ito na matagpuan ang pasukan sa kaharian ng langit.

Tampok sa aklat na ito ang mga piniling sipi mula sa Ang Salita ay Nagpapakita sa Katawang-tao. Para makamit ng mga taong hinirang ng Diyos ang katotohanan at pang-araw-araw na panustos sa buhay mula sa Kanyang mga salita, ang mahahalagang salitang ito ng Makapangyarihang Diyos, na lubhang nagpapatibay sa pagpasok ng mga tao sa buhay, ay sadyang pinili para sa kasiyahan ng mga tao, sa gayon ay tinutulutan ang mga nagmamahal sa katotohanan na maunawaan ito, mabuhay sa harap ng Diyos, at maligtas at magawang perpekto ng Diyos. Ang mahahalagang salitang ito ng Diyos ay mga pagpapahayag ng katotohanan; bukod pa riyan, ang mga ito ang pinakamahalaga sa lahat ng salawikain sa buhay, at walang mga salitang mas nagpapatibay at nakakabuti sa mga tao. Kung tunay kang nasisiyahan sa isang sipi ng mga salitang ito bawat araw, ito ang iyong pinakamalaking kayamanan, at pinagpala ka ng Diyos.

Ang mga seleksyon mula sa mga salita ng Makapangyarihang Diyos tungkol sa Kanyang gawain ay kasama sa aklat na ito, at nagpapatotoo sa pagpapakita at gawain ng Makapangyarihang Diyos sa Kapanahunan ng Kaharian. Ipinauunawa ng mga ito sa lahat ng nasasabik sa pagpapakita ng Diyos na matagal nang nagbalik ang Panginoong Jesus na sakay ng mga puting ulap, at na Siya ang Makapangyarihang Diyos, ang Cristo ng mga huling araw—ang Corderong ipinropesiya sa Aklat ng Pahayag na nagbukas ng scroll at sumira sa pitong tatak.