Walang sinuman ang nagpaplano na tahakin ang landas na ito habambuhay, na naghahanap sa katotohanan upang magkamit ng buhay at maunawaan ang Diyos at, kalaunan, mabuhay nang makabuluhan kagaya ni Pedro. Sa gayon, habang nasa daan, lumilihis ang mga tao sa kanilang landas, walang puwang ang Diyos sa kanilang puso, at hindi na sila ginagawaan ng Banal na Espiritu. Sila ay lumalakad sa landas nang paurong. Lahat ng napagdusahan nila, lahat ng sermon na napakinggan nila, lahat ng taon na naging mga alagad sila—lahat ng ito ay nawalan ng kabuluhan. Lubhang mapanganib ang bagay na ito! Madali ang bumaba, ngunit mahirap ang lumakad sa tamang landas at piliin ang landas na tinahak ni Pedro. Karamihan sa mga tao ay mga naguguluhan! Hindi nila matukoy ang tamang landas at ang maling landas. Pagkatapos na marinig ang napakaraming sermon at basahin ang napakarami sa mga salita ng Diyos, nalalaman nila na Siya ay Diyos, ngunit hindi pa rin sila naniniwala sa Kanya; alam nila na ito ang tunay na daan, ngunit hindi pa rin nila ito matahak. Napakahirap iligtas ng mga tao!

Hango sa Ang Salita, Vol. III. Ang mga Diskurso ni Cristo ng mga Huling Araw. Sa Pananalig sa Diyos, Pagpili ng Tamang Daan ang Pinakamahalaga