Sagot:

Sa usapin ng pagiging natipon ng mga mananampalataya sa pagparito ng Panginoon, maraming pastor at tagapagpaliwanag ng Biblia ang nagpasya na paparito ang Panginoon at titipunin ang mga mananampalataya bago dumating ang mga sakuna. Ngunit ngayon, dumating na ang malalaking sakuna at ang mga tao ng relihiyosong mundo ay hindi pa natipon; nalito nito ang maraming tao, at sa usaping ito ay sinasabi ng mga relihiyosong pastor, “Ang katotohanan na hindi pa tayo natipon bago ang mga sakuna ay nagpapakitang ang Panginoon ay hindi pumarito bago ang mga sakuna. Iginigiit namin na tiyak na magpapakita sa atin ang Panginoon sa panahon ng mga sakuna, kaya hihintayin nating matipon tayo sa panahon ng mga sakuna.” Ito ang pinakakaraniwang argumento sa relihiyon. Tama ba ang gayong mga pananaw? May batayan ba ang mga ito sa mga salita ng Diyos? Maaari kayang, dahil ang mga tao ng relihiyosong mundo ay hindi natipon bago ang mga sakuna, at hindi nakita ang Panginoong bumababa sa isang puting ulap, pinatutunayan na nito na hindi pumarito ang Panginoon? Nang magpakita ang Panginoong Jesus at isinagawa ang Kanyang gawain, hindi Siya nakilala ng mga punong saserdote, eskriba, at Fariseo ng Judaismo, at ikinaila nila ang Kanyang pagpapakita at gawain; hindi nila tinanggap ang Mesiyas, kaya sinabi nila na hindi pa Siya pumarito. Hindi ba ginagawa ng mga relihiyosong pastor na ito ang kaparehong pagkakamali ng mga Fariseo maraming taon ang nakararaan? Hindi ba sila namamali sa pagbibigay-kahulugan sa Biblia nang basta lang nila tinutukoy kung kailan paparito ang Panginoon batay sa isa o dalawang bersikulo ng Kasulatan? Ngayon, dahil dumating na ang mga sakuna, ang Panginoon ay talagang hindi hayagang pumarito na nakasakay sa isang puting ulap—ito ay katotohanan. Gayunpaman, nakita natin na sa Silangan, may mga nagpapatotoo sa pagpapakita at gawain ng Makapangyarihang Diyos, na nagpapatotoo at nagpapalaganap sa lahat ng katotohanang ipinahayag ng Makapangyarihang Diyos, at tulad ng isang matinding liwanag, mabilis silang kumalat mula sa Silangan hanggang sa buong Kanluran, pinupukaw ang masidhing pagsupil at pag-usig ng rehimeng CCP, at naghahatid ng malawakang pagkabigla sa buong mundo. Wala ba talagang sinuman sa relihiyosong mundo ang nakakakita sa katotohanang ito? Tinutupad nito mismo ang propesiya ng Panginoong Jesus: “Gaya ng kidlat na kumikislap sa silanganan, at nagliliwanag hanggang sa kanluran; gayon din naman ang pagparito ng Anak ng tao” (Mateo 24:27).

Walang pag-aalinlangan na nagpapakita ang Panginoon at isinasagawa ang Kanyang gawain bago ang mga sakuna. Sa Aklat ng Pahayag, sinasabing, “At sa anghel ng iglesia sa Filadelfia ay isulat mo: Ang mga bagay na ito ay sinasabi ng banal, niyaong totoo, niyaong may susi ni David, niyaong nagbubukas at di mailalapat ng sinoman, at naglalapat at di maibubukas ng sinoman: Nalalaman ko ang iyong mga gawa (narito, inilagay ko sa harapan mo ang isang pintuang bukas, na di mailalapat ng sinoman), na ikaw ay may kaunting kapangyarihan, at tinupad mo ang aking salita, at hindi mo ikinaila ang aking pangalan. Narito, ibinibigay ko sa sinagoga ni Satanas, ang mga nagsasabing sila’y mga Judio, at sila’y hindi, kundi nangagbubulaan; narito, sila’y aking papapariyanin at pasasambahin sa harap ng iyong mga paa, at nang maalamang ikaw ay aking inibig. Sapagkat tinupad mo ang salita ng Aking pagtitiis, ikaw naman ay Aking iingatan sa panahon ng pagsubok, na darating sa buong sanlibutan, upang subukin ang mga nananahan sa ibabaw ng lupa. Ako’y dumarating na madali: panghawakan mong matibay ang nasaiyo, upang huwag kunin ng sinuman ang iyong putong. Ang magtagumpay, ay gagawin Kong haligi sa templo ng Aking Diyos, at hindi na siya lalabas pa roon: at isusulat Ko sa kanya ang pangalan ng Aking Diyos, at ang pangalan ng bayan ng Aking Diyos, ang bagong Jerusalem, na mananaog buhat sa langit mula sa Aking Diyos, at ang Aking sariling bagong pangalan” (Pahayag 3:7–12). Natupad na ang lahat ng mga salitang ito. Sa panahon ng mga huling araw, ang iglesia sa Filadelfia ang iglesiang nadala bago ang mga sakuna, at ang lahat ng natipon ay iyong mga bumalik sa harapan ng Diyos dahil nabasa nila ang maraming pagbigkas ng Makapangyarihang Diyos at narinig ang tinig ng Diyos. Tinutupad nito ang mga salitang ito ng Diyos: “At pagkahating gabi ay may sumigaw, ‘Narito, ang kasintahang lalaki! Magsilabas kayo upang salubungin Siya’” (Mateo 25:6). “Dinirinig ng Aking mga tupa ang Aking tinig, at sila’y Aking nakikilala, at sila’y nagsisisunod sa Akin” (Juan 10:27). “Narito Ako’y nakatayo sa pintuan at tumutuktok: kung ang sinuman ay duminig sa Aking tinig at magbukas ng pinto, Ako’y papasok sa kanya, at hahapong kasalo niya, at siya’y kasalo Ko” (Pahayag 3:20). Ang mga taong ito na tumatanggap sa Makapangyarihang Diyos ay kumakain at umiinom ng mga salita ng Diyos araw-araw, at umuupo sa piging ng kasal ng Cordero. Ang lahat ng mga nagmamahal at naghahangad sa katotohanan ay nakaranas na ng paghatol, pagkastigo, mga pagsubok, at pagpipino ng Diyos, at nagawa na silang mga mananagumpay—sila ang matatalinong dalaga na sumalubong sa Panginoon. Samantala, ang mga tumatangging tanggapin ang Makapangyarihang Diyos ay mga hangal na dalaga; hindi nila nakikilala ang tinig ng Diyos, sinayang nila ang kanilang pagkakataong salubungin ang pagparito ng Panginoon, at kaya pinabayaan at nalublob sila sa mga sakuna. Ngunit matapos magsimulang bumuhos ang malalaking sakuna, naririnig ng ilang tao ang tinig ng Diyos sa gitna ng mga sakuna, nakikita nila ang patotoo sa pagpapakita at gawain ng Makapangyarihang Diyos, at tinatanggap nila ang Makapangyarihang Diyos. Ngayon, maraming relihiyosong tao ang nagsisiyasat sa gawain ng Makapangyarihang Diyos, kinikilala nila na ang mga salita ng Makapangyarihang Diyos ang tinig ng Diyos, at parami nang paraming tao ang tumatanggap sa Makapangyarihang Diyos. Ang mga taong ito ang mga natipon sa panahon ng mga sakuna.