Sagot:

Ang ganito bang uri ng pananaw mula sa relihiyosong komunidad ay may batayan sa mga salita ng Diyos? Wala itong batayan sa mga salita ng Diyos; ito ay dumating ng halos ganap bilang isang resulta ng maling pagpapakahulugan sa Biblia. Ang Biblia ay sumasaksi sa unang dalawang yugto ng gawain ng Diyos; ito ay totoo. Gayunman, ang naitala sa Biblia ay limitado sapagka’t hindi nito isinama ang lahat ng salitang sinabi ng Diyos sa dalawang yugto ng Kanyang gawain at lahat ng patotoo patungkol sa gawaing iyon. Dahil sa mga pagtatanggal at mga pagtatalo ng mga tagatipon ng Biblia, ang ilan sa mga hula ng mga propeta, mga karanasan ng mga apostol, at ang kanilang mga patotoo ay hindi naisama; ito ay isang kinikilalang katotohanan. Paano, kung gayon, maaaring masabi na maliban sa Biblia, ay wala nang iba pang mga tala at mga patotoo patungkol sa gawain ng Diyos? Ang mga nawawalang hula at sulat ba ay naihalong lahat sa kalooban ng tao? Hindi lamang ang mga salita na nakatala sa Bagong Tipan ang mga sinabi ng Panginoong Jesus; ang iba sa Kaniyang mga pagbigkas at gawain ay hindi nakasulat doon. Ito ba ay nangangahulugan kung gayon na ang mga ito ay hindi dapat naitala sa Biblia? Ang Biblia ay hindi natipon sa ilalim ng panuto ng Diyos Mismo, kundi ng pinagsama-samang maraming tao na nasa Kaniyang paglilingkod. Hindi maiiwasan, ang mga hindi pagkakasundo at mga pagtatanggal ay maaaring naganap, o ilang mga problema ay maaaring nangyari. Dumagdag pa, ang mga tao sa makabagong panahon ay may iba’t ibang pagpapakahulugan at pananaw sa Biblia. Gayunman, ang mga tao ay dapat na respetuhin ang katotohanan, upang hindi masabi na ang mga pagbigkas at gawain ng Diyos ay hindi umiiral sa labas ng Biblia; ito ay hindi na pamamalagi sa katotohanan. Sa panimula, ang Biblia ay binubuo lamang ng Lumang Tipan. Walang sinabi ang Panginoong Jesus habang ginagawa ang Kanyang gawain ng pagtubos ang matatagpuan sa Lumang Tipan; tulad ng nabanggit, ang mga pagpapahayag at gawaing pagtubos ng Panginoong Jesus ba ay nasa Biblia na noon, o nasa labas nito? Ang mga tao ay hindi naiintindihan ang mga kasalukuyang katotohanan, at lubos na walang ideya na sa bawat pagkakataong ang Diyos ay nakatapos ng isang yugto ng Kaniyang gawain, sa gayon pa lamang na ang mga katotohanang iyon ay nagkakaroon ng kaganapan at naisusulat sa Biblia. Ang ipagmatuwid na walang tala sa labas ng Biblia na mga pagbigkas at gawain ng Diyos ay medyo di-makatwiran at walang katotohanan! Kapwa ang Lumang Tipan at ang Bagong Tipan ay nabuo pagkatapos na makumpleto ng Diyos ang isang yugto ng Kanyang gawain, subalit pagkatapos ng paglitaw ng Biblia, walang nakakaalam ng kung ano pa ang gagawin o sasabihin ng Diyos; ito ay katotohanan. Ang mga tao ay karaniwang hindi karapat-dapat upang limitahan ang Biblia tulad nito, o limitahan ang Diyos batay sa kung ano ang nakasulat dito. Sa puntong ito, nakita nating lahat nang maliwanag kung paanong tunay na mapagmataas, pagmamagaling at hindi makatuwiran na naging tiwali ang sangkatauhan; kapag sinita ng katotohanan, nangangahas pa silang walang ingat na gumuhit ng mga konklusyon. Hindi ba ito ay isang pag-uulit ng pagkakamali na ginawa ng mga Judiong punong saserdote, mga eskriba, at mga Fariseo nang kanilang ginamit ang Biblia upang labanan ang Diyos? Kaya, tayo ay hindi maaaring maniwala sa Diyos, makasunod sa Kanya, o pag-aralan ang tunay na daan na ganap na batay lamang sa Biblia, sapagkat ito ay maaari lamang gamitin bilang sanggunian. Ang pinakamahalaga, tayo ay dapat na magbatay ng ating pagpapasiya sa kung naroon o wala ang gawain ng Banal na Espiritu at kung naroon o wala ang katotohanan; sa gayon lamang na ang saligang ito ay magiging wagas; sa gayon lamang na magagawa natin ang tamang pagpapasiya. Sa gayon, ang mga paninindigan tulad ng “Anumang sumasalungat o humihigit sa Biblia ay isang maling pananampalataya at isang kamalian,” ay talagang hindi naaangkop. Sa Kapanahunan ng Biyaya, ang mga Judiong punong saserdote, mga eskriba, at mga Fariseo ay hinatulan ang Panginoong Jesus ayon sa Biblia at ipinako Siya sa krus—isang gawa na nakasakit sa disposisyon ng Diyos at naging sanhi kaya sila pinarusahan at sinumpa. Lahat ng ito ay resulta ng walang taros na paniniwala at pagsamba sa Biblia, at pagtanggi kay Cristo. Maaari ko bang itanong, ang gawain ng pagtubos ba ng Panginoong Jesus ay alinsunod sa Lumang Tipan o hindi? Dalawang libong taon pagkaraang matapos ng Panginoong Jesus ang Kanyang gawaing pagtubos, ang Makapangyarihang Diyos ay dumating upang gawin ang gawain ng paghatol sa mga huling araw; ito ba ay naaayon sa mga nilalaman ng Bagong Tipan? Ang mga grupong pangrelihiyon ay laging ginagamit ang Biblia upang limitahan ang gawain ng Diyos-ito ay talagang nakakatawa at walang katotohanan! Sa mababaw na pagtingin, sila ay tila may paggalang sa Biblia, subalit ang lahat talaga ng kanilang ginagawa ay sinusubukang protektahan ang kanilang sariling posisyon at panatilihin ang kanilang kontrol. Sila ay hindi tunay na naghahanap sa katotohanan; ang talagang landas na kanilang nilalakaran ay ang gayon sa anticristo. Mula dito ay maliwanag na ang paggamit sa Biblia bilang batayan sa paghahatol sa tunay na daan at pagsasaliksik sa gawain ng Diyos ay mali; ang tanging paraan upang maging wagas at tama ay tiyakin kung ito ang tamang landas, at ang gawain ng Diyos ay ibatay ang ating pagpapasiya sa kung umiiral ba o hindi ang gawain ng Banal na Espiritu at ang katotohanan. Kaya, maling sabihin na bukod sa Biblia ay wala nang iba pang mga pagbigkas o gawain ng Diyos; ang gayong mga pahayag ay totoong kamalian.

—mula sa Ang Pagbabahagi mula sa Itaas

Sa relihiyon, dahil sa pangangaral ng mga pastor at elder, ang lahat ng naniniwala sa Panginoon ay iniisip na: Lahat ng salita at gawain ng Diyos ay nasa Biblia; Kumpleto sa Biblia ang pagliligtas ng Diyos, at walang salita at gawain ng Diyos sa labas ng Biblia; ang paniniwala sa Panginoon ay dapat nakabatay sa Biblia at nakaugnay sa Biblia; hangga’t hindi natin iniiwan ang Biblia, kapag dumating ang Panginoon, tayo ay dadalhin sa kaharian ng langit. Ang naturang pananaw ay maaaring sumunod sa mga pagkaunawa at imahinasyon ng mga tao, ngunit batay ba iyon sa mga salita ng Panginoong Jesus? Matitiyak mo bang sumusunod iyon sa katotohanan? Ang Panginoong Jesus ay hindi kailanman sinabi na ang salita at gawain ng Diyos ay nakatala lahat sa Biblia, na walang salita at gawain ng Diyos sa labas ng Biblia. Totoo iyan. Alam lahat ng taong nauunawaan ang Biblia na ang Biblia ay pinagsama-sama ng sangkatauhan nang maraming taon pagkatapos ng gawain ng Diyos. Unang dumating ang gawain ng Diyos, at pagkatapos ay ang Biblia. Sa madaling salita, sa tuwing nakukumpleto ng Diyos ang yugto ng Kanyang gawain, ang mga nakaranas ng gawain ng Diyos ay itatala ang salita at gawain ng Diyos mula sa panahong iyon, at ang mga talang ito ay tinipon ng mga tao sa Biblia. Pag-isipan natin ito: Paano matitipon nang maaga sa Biblia ang gawain ng Diyos na hindi pa nagawa? Ang gawain ng paghatol ng Diyos lalo na sa mga huling araw, ay hindi maaaring naitala na sa Biblia. Naging bahagi na ng Biblia ang Bago at Lumang Tipan nang halos 2,000 taon. Kakasimula pa lang ng Makapangyarihang Diyos sa Kanyang gawain ng paghatol sa mga huling araw. Samakatuwid, ang salita at gawain ng Diyos sa mga huling araw ay hindi maaaring naitala sa Biblia libong taon na ang nakakalipas. Hindi ba iyon isang katotohanan? Sa mga huling araw, ang Makapangyarihang Diyos ay isinagawa ang gawain ng paghatol simula sa tahanan ng Diyos, inihahayag ang ilang milyong salita. Mga katotohanan lahat ang mga salitang ito na dumadalisay at nagliligtas sa sangkatauhan, at ang daan sa buhay na walang hanggan na ibinigay ng Cristo ng mga huling araw. Pinagsama-sama na ang mga ito sa Biblia ng Kapanahunan ng Kaharian, Ang Salita ay Nagpapakita sa Katawang-tao. Kahit na ang mga katotohanang ipinahayag ng Makapangyarihang Diyos ay hindi itinala sa Biblia nang maaga, ganap na nakumpleto ng mga ito ang mga propesiya ng Panginoong Jesus: “Mayroon pa akong maraming bagay na sa inyo ay sasabihin, nguni’t ngayon ay hindi ninyo mangatitiis. Gayon ma’y kung siya, ang Espiritu ng katotohanan ay dumating, ay papatnubayan niya kayo sa buong katotohanan: sapagka’t hindi siya magsasalita ng mula sa kaniyang sarili; kundi ang anomang bagay na kaniyang marinig, ang mga ito ang kaniyang sasalitain: at kaniyang ipahahayag sa inyo ang mga bagay na magsisidating” (Juan 16: 12–13). “Ang may pakinig, ay makinig sa sinasabi ng Espiritu sa mga iglesia” (Pahayag 2:7). Ang katotohanang inihayag ng Makapangyarihang Diyos ay ganap na pinatunayan na ang Makapangyarihang Diyos ang sagisag ng Espiritu ng katotohanan. Siya ang nagkatawang-taong Diyos. Ang lahat ng salitang inihayag ng Makapangyarihang Diyos, iyon ay, ang mga pagpapahayag ng Espiritu ng katotohanan sa mga huling araw, ay mga salitang mula sa Banal na Espiritu sa mga iglesia. Maglalakas-loob ba tayong sabihin na hindi ito ang mga salita ng Diyos? Maglalakas-loob pa rin ba tayong tanggihan ito? Kung makikita natin ang realidad ng pagsasalita at paggawa ng Diyos sa mga huling araw, masasabi pa rin ba nating naitala sa Biblia ang lahat ng salita ng Diyos at walang salita o gawain ng Diyos ang nasa labas ng Biblia? Hindi natin nauunawaan ang panloob na kuwento kung paano nabuo ang Biblia. Hindi natin alam ang katotohanan na ang Biblia ay nabuo lamang matapos makumpleto ng Diyos ang bawat yugto ng Kanyang gawain, gayunman, basta na lang tayong naghihinuha at nagpapasya na walang salita at gawain ng Diyos sa labas ng Biblia. Hindi ba’t masyado tayong hindi makatwiran at hindi makatotohanan?

Kung hindi natin nauunawaan kung paano nabuo ang Biblia at ang panloob na kuwento nito, magiging napakadali ang mapalihis ng landas sa paniniwala sa Diyos. Sa katunayan, sa loob ng dalawang yugto ng gawain ng Diyos sa Kapanahunan ng Kautusan at sa Kapanahunan ng Biyaya, ang lahat ng salitang inihayag ng Diyos ay hindi ganap na naitala sa Biblia. Halimbawa, sa Kapanahunan ng Kautusan, may ilang propetang ang kanilang propesiya ay hindi naitala sa Biblia. Isa itong katotohanan na marahil ay kakaunti lamang sa mga kapatid ang nakakaalam. Pagkatapos, noong Kapanahunan ng Biyaya, may higit pang mga salitang winika ng Panginoong Jesus. Ngunit ang mga salitang naitala sa Biblia ay masyadong limitado. Isipin lamang. Ang Panginoong Jesus ay nangaral sa lupa sa loob ng tatlo at kalahating taon. Ilang salita ang maaaring mawika Niya araw-araw? Ilang salita ang maaaring mawika Niya sa bawat sermon? Napakaraming sermon at salita ang winika ng Panginoong Jesus sa tatlo at kalahating taong iyon. Walang paraan upang kalkulahin iyon. Tulad ng sinabi ni Apostol Juan: “At mayroon ding iba’t ibang mga bagay na ginawa si Jesus, na kung susulating isa-isa, ay inaakala ko na kahit sa sanglibutan ay hindi magkakasiya ang mga aklat na susulatin” (Juan 21:25). Tingnan natin ngayon ang Apat na Ebanghelyo ng Bagong Tipan. Ang mga salita ng Panginoong Jesus na naitala rito ay masyadong limitado! Ito ay katiting lamang! Kung ang ilang salitang iyon ang sinabi lamang ng Panginoong Jesus sa Apat na Ebanghelyo sa tatlo at kalahating taong iyon, paano Niya nagawang lupigin ang mga taong sumunod sa Kanya sa panahong iyon? Paanong ang gawain ng Panginoong Jesus ay nagawang pukawin ang lahat ng Judea? Samakatuwid, tiyak na ang mga salita ng Diyos na naitala sa Biblia ay naglalaman lamang ng napakalimitadong bahagi, tiyak na hindi lahat ng salitang winika ng Diyos sa panahon ng Kanyang gawain. Isa itong katotohanang walang sinuman ang maaaring magkaila! Alam nating lahat na ang Diyos ang Panginoon ng paglikha, ang pinagmumulan ng buhay ng sangkatauhan, ang bukal ng buhay na tubig na hindi natutuyo. Hindi nauubos ang kayamanan ng Diyos at laging maaaring gamitin, samantalang ang Biblia ay isang talaan lamang ng unang dalawang yugto ng gawain ng Diyos. Ang bilang ng mga salita ng Diyos na naitala ay masyadong limitado. Tulad ito ng isang patak sa dagat ng buhay ng Diyos. Paano natin magagawang limitahan lamang sa Bibilia ang salita at gawain ng Diyos? Para bang kaya lang sabihin ng Diyos ang mga limitadong salitang iyon sa Biblia. Hindi ba ito paglilimita, pagmamaliit at paglalapastangan sa Diyos? Samakatuwid, ang paglimita sa lahat ng salita at gawain ng Diyos sa Biblia at ang pag-iisip na walang salita at gawain ng Diyos ang nasa labas ng Biblia ay isang malaking pagkakamali!

Susunod nating basahin ang ilan sa mga sipi ng mga salita ng Makapangyarihang Diyos, at mas maliliwanagan tayo sa aspetong ito ng katotohanan. Sabi ng Makapangyarihang Diyos, “Ang lahat ng naitala sa loob ng Biblia ay limitado; hindi kayang kumatawan sa lahat ng gawain ng Diyos. Ang Apat na Ebanghelyo sa kabuuan ay may mas kaunti sa isang daang mga kabanata, na kung saan ay nakasulat ang takdang bilang ng mga pangyayari, tulad ng pagsumpa ni Jesus sa puno ng igos, tatlong pagtatwa ni Pedro sa Panginoon, pagpapakita ni Jesus sa mga alagad kasunod ng Kanyang pagkapako sa krus at muling pagkabuhay, pagtuturo tungkol sa pag-aayuno, pagtuturo tungkol sa panalangin, pagtuturo tungkol sa diborsiyo, ang kapanganakan at talaangkanan ni Jesus, paghirang ni Jesus sa mga alagad, at iba pa. Subali’t, pinahahalagahan ang mga ito ng tao bilang mga kayamanan, at pinatototohanan pa ang gawain sa ngayon kaugnay sa mga nakatalang ito. Naniniwala pa nga sila na gumawa lamang nang gayon karami si Jesus sa panahon pagkatapos ng Kanyang kapanganakan. Parang naniniwala sila na gayon lamang karami ang kayang gawin ng Diyos, na wala nang maaaring karagdagang gawain. Hindi ba ito katawa-tawa?” (Ang Salita, Vol. I. Ang Pagpapakita at Gawain ng Diyos. Ang Hiwaga ng Pagkakatawang-tao 1).

“Kung nais mong makita ang gawain ng Kapanahunan ng Kautusan, at makita kung paano sumunod ang mga Israelita sa landas ni Jehova, kung gayon dapat mong basahin ang Lumang Tipan; kung nais mong maunawaan ang gawain ng Kapanahunan ng Biyaya, kung gayon dapat mong basahin ang Bagong Tipan. Ngunit paano mo makikita ang mga gawain sa huling mga araw? Kailangan mong tanggapin ang pamumuno ng Diyos sa kasalukuyan, at makilahok sa gawain sa kasalukuyan, dahil ito ang bagong gawain, at wala pang nakapagtatala nito sa Biblia. … Ang gawain sa kasalukuyan ay isang landas na hindi pa kailanman nalakaran ng tao, at daan na walang sinuman ang nakakita. Ito ay gawain na hindi pa kailanman nagawa—ito ang pinakabagong gawain ng Diyos sa mundo. … Sino ang maaaring magtala ng bawat isang kapiraso ng gawain ngayon, nang walang makakaligtaan, sa patiuna? Sino ang maaaring magtala nitong mas makapangyarihan, mas matalinong gawain na humahamon sa kinaugalian na nasa lumang inaamag na libro? Ang gawain sa kasalukuyan ay hindi kasaysayan, at dahil dito, kung nais mong lumakad sa bagong landas ngayon, sa gayon kailangan mong lisanin ang Biblia, dapat mong higitan ang mga libro ng propesiya o kasaysayan na nasa Biblia. Saka ka lamang maaaring makalakad sa bagong landas nang maayos, at saka ka lamang makakapasok sa bagong kaharian at sa bagong gawain” (Ang Salita, Vol. I. Ang Pagpapakita at Gawain ng Diyos. Tungkol sa Bibliya 1).

“Pagkatapos ng lahat, alin ang mas dakila: ang Diyos o ang Biblia? Bakit kailangang maging ayon sa Biblia ang gawain ng Diyos? Maaari kaya na walang karapatan ang Diyos na higitan ang Biblia? Hindi ba maaaring lumayo ang Diyos sa Biblia at gumawa ng ibang gawain? Bakit hindi ipinangilin ni Jesus at ng Kanyang mga disipulo ang araw ng Sabbath? Kung mangingilin Siya sa araw ng Sabbath at magsasagawa ayon sa mga utos ng Lumang Tipan, bakit hindi nangilin si Jesus sa Sabbath nang dumating Siya, kundi sa halip ay naghugas ng mga paa, nagtaklob ng ulo, naghati-hati ng tinapay, at uminom ng alak? Hindi ba wala itong lahat sa mga utos ng Lumang Tipan? Kung iginalang ni Jesus ang Lumang Tipan, bakit Niya sinuway ang mga doktrinang ito? Dapat mong malaman kung alin ang nauna, ang Diyos o ang Biblia! Bilang Panginoon ng Sabbath, hindi ba Siya maaaring maging Panginoon din ng Biblia?” (Ang Salita, Vol. I. Ang Pagpapakita at Gawain ng Diyos. Tungkol sa Bibliya 1).

“Ang katunayan na Aking ipinaliliwanag dito ay ito: Ang kung ano at kung anong mayroon ang Diyos ay magpakailanmang di-nauubos at walang-hangganan. Ang Diyos ang pinagmumulan ng buhay at lahat ng bagay. Ang Diyos ay hindi maaaring maarok ng anumang nilalang. Panghuli, dapat Ko pa ring ipaalala sa lahat: Huwag muling limitahan ang Diyos sa mga aklat, mga salita, o Kanyang nakaraang mga pagbigkas. Mayroon lamang iisang salita para sa katangian ng gawain ng Diyos—bago. Ayaw Niyang tahakin ang lumang mga landas o ulitin ang Kanyang gawain, at higit pa ayaw Niyang sambahin Siya ng mga tao sa pamamagitan ng paglilimita sa Kanya sa loob ng isang tiyak na sakop. Ito ang disposisyon ng Diyos” (Ang Salita, Vol. I. Ang Pagpapakita at Gawain ng Diyos. Pangwakas na Pananalita).

—mula sa Mga Klasikong Tanong at Sagot Tungkol sa Ebanghelyo ng Kaharian