Tala ng Patnugot: Sa mga nakaraang taon, ang makalangit na kababalaghan na “blood moon” ay madalas na nagpakita. Ang iba’t ibang sakuna tulad ng pandemya, lindol, at taggutom ay mas palala nang palala. Ang mga propesiya ng Bibliya tungkol sa mga huling araw ay natupad na sa kalakhan. Ang mga malalaking kalamidad ay nararanasan na natin ngayon, kaya paano dapat natin salubungin ang pagbabalik ng Panginoon? Ang artikulong ito ay may sagot.

Ayon sa mga balitang astronomikal: Sa Setyembre 7–8, 2025, magkakaroon ng total lunar eclipse na magtatagal nang 82 minuto. Ang pambihirang blood moon na ito ay makikita sa maraming bahagi ng mundo.

Nitong mga nakaraang taon, sunod-sunod na nagpakita ang mga blood moon, na tila mga patuloy na babala sa mundo:

Noong Abril 15, 2014, ang una sa apat na magkakasunod na blood moon ay gumawa ng nakakagulat na pagpapakita nito, na kinulayan ng dugo ang kalangitan.

Noong Oktubre 8, 2014, lumitaw ang ikalawang blood moon, at nagpatuloy ang pagbibigay-babala.

Noong Abril 4, 2015, sumunod ang ikatlong blood moon, at naging madalas ang mga di-pangkaraniwang tanawin.

Noong Setyembre 27–28, 2015, ang ikaapat na blood moon ay sumabay sa isang supermoon.

Noong Enero 31, 2018, lumitaw sa kalangitan ang pambihirang “super blue blood moon,” isang pagsasama-sama ng tatlong pambihirang kaganapan.

Noong Enero 21, 2019, yumanig sa kalangitan sa gabi ang “super blood wolf moon,” kung saan may pulang buwan na sinamahan ng isang “wolf moon”—isa na namang pambihirang selestiyal na kaganapan.

Noong Mayo 26, 2021, muling nakasabay ng isang blood moon ang isang supermoon.

Noong Mayo 16, 2022, sumikat sa silangan ang “flower blood moon,” at muling nasaksihan ng mga tao ang pagiging dugo ng buwan.

Noong Marso 13–14, 2025, isa na namang blood moon ang lumitaw—ang kabilugan ng buwan na kilala bilang “worm moon” ay naging kulay-dugo.

Ang paulit-ulit na mga blood moon na ito ay talaga bang mga astronomikal na penomenon lang? O ipinapaalala ba ng mga ito sa atin na ang malalaking kalamidad ay palapit na nang palapit?

Marami ng propeta ang naniniwala na ang paglitaw ng mga blood moon ay nagpapahiwatig ng pagdating ng di-karaniwan at dakilang mga pangyayari. Marami ring mga eksperto sa Bibliya na mariing naniniwala na ang paglitaw ng mga blood moon ay ang katuparan ng propesiya sa Aklat ni Joel 2:29–31: “At sa mga lingkod na lalake at babae naman ay ibubuhos ko sa mga araw na yaon ang aking Espiritu. At ako’y magpapakita ng mga kababalaghan sa langit at sa lupa, dugo, at apoy, at mga haliging usok. Ang araw ay magiging kadiliman, at ang buwan ay dugo, bago dumating ang dakila at kakilakilabot na kaarawan ng Jehova.” Gayundin, sa Pahayag 6:12, ito ay nagsasaad: “At nakita ko nang buksan niya ang ikaanim na tatak, at nagkaroon ng malakas na lindol; at ang araw ay umitim na gaya ng isang magaspang na kayong buhok na maitim, at ang buong buwan ay naging gaya ng dugo.” “Ang dakila at kakilakilabot na araw” na binanggit sa propesiya ay tumutukoy sa malalaking kalamidad. Nakita na nating lahat ang mga kalamidad na lalong lumalala sa nakaraang ilang taon, na may madalas na pangyayari ng ganoong mga kalamidad gaya ng mga lindol, taggutom, salot at baha na tunay na nakakatakot; ang sitwasyon ng mundo ay nasa kaguluhan at patuloy na nagbabago, at mayroong mga madalas na pagsabog ng mga digmaan, mararahas na insidente at mga pagsalakay ng terorista na patuloy na nagiging malala; ang pandaigdigang klima ay patuloy na nag-iinit, at ang labis na masamang panahon at iba’t ibang kababalaghang astronomikal ay madalas na nangyayari. Ang mga palatandaan ng mga huling araw na ipinropesiya sa Bibliya ay isa-isang lumitaw. Ang madalas na pagpapakita ng mga blood moon ay hindi isang panoorin, kundi isang babala ng mga huling araw!

Dahil dumating na ang malalaking kalamidad, paano dapat natin salubungin ang Panginoon at makamit ang Kanyang kaligtasan? Sinabi ng Panginoong Jesus: “Dinirinig ng Aking mga tupa ang Aking tinig, at sila’y Aking nakikilala, at sila’y nagsisisunod sa Akin” (Juan 10:27). “Mayroon pa Akong maraming bagay na sa inyo ay sasabihin, nguni’t ngayon ay hindi ninyo mangatitiis. Gayon ma’y kung Siya, ang Espiritu ng katotohanan ay dumating, ay papatnubayan Niya kayo sa buong katotohanan” (Juan 16:12–13). Naipropesiya sa maraming bahagi ng kabanata 2 at 3 ng Pahayag: “Ang may pakinig, ay makinig sa sinasabi ng Espiritu sa mga iglesia.” Mula sa mga propesiyang ito, makikita natin na ang Diyos ay bibigkas ng mga salita sa mga huling araw upang gabayan ang mga tao sa buong katotohanan, nang ginagampanan ang isang bagong yugto ng gawain upang dalisayin at iligtas sila at dalhin sila sa kaharian ng Diyos. Tanging sa pakikinig sa tinig ng Diyos at pananabik sa pagpapakita ng Diyos ay masasalubong natin ang pagbabalik ng Panginoong Jesus, magkakaroon tayo ng pagkakataong mailigtas at maperpekto ng Diyos, at makakapasok tayo sa magandang hantungan kasama Siya. Kung hindi man, sa sandaling mapalampas natin ang pagbabalik ng Panginoon, maiwawala natin ang pagliligtas ng Diyos, mahuhulog tayo sa mga malalaking kalamidad sa mga huling araw, at matitiwalag at mapaparusahan tayo. Narito ang sinasabi ng Diyos tungkol doon:

Sasapit ang lahat ng uri ng sakuna, sunud-sunod; daranas ng mga sakuna ang lahat ng bansa at lugar: Ang salot, taggutom, baha, tagtuyot, at mga lindol ay nasa lahat ng dako. Ang mga sakunang ito ay hindi lamang mangyayari sa isa o dalawang lugar, ni matatapos ang mga iyon sa loob ng isa o dalawang araw; bagkus, kakalat ang mga iyon sa palawak nang palawak na lugar, at titindi nang titindi. Sa loob ng panahong ito, lilitaw nang sunud-sunod ang lahat ng uri ng mga salot na insekto, at mangyayari ang kababalaghan ng kanibalismo sa lahat ng dako. Ito ang Aking paghatol sa di-mabilang na mga bansa at tao.

—Ang Salita, Vol. I. Ang Pagpapakita at Gawain ng Diyos. Mga Pagbigkas ni Cristo sa Pasimula, Kabanata 65

Sa kalawakan ng mundo, ang mga karagatan ay nagiging mga kaparangan, at ang mga kaparangan ay nagiging mga karagatan, nang napakaraming beses. Maliban sa Kanya na may kataas-taasang kapangyarihan sa lahat ng bagay sa gitna ng lahat ng bagay, walang sinuman ang may kakayahang umakay at gumabay sa sangkatauhang ito. Walang sinumang “makapangyarihang tao” ang magpapakapagod o maghahanda para sa sangkatauhang ito, lalo nang walang sinumang makakaakay sa sangkatauhang ito tungo sa hantungan ng liwanag at magpapalaya rito mula sa mga kawalan ng katarungan ng mundo ng tao. Naghihinagpis ang Diyos sa kinabukasan ng sangkatauhan, nagdadalamhati Siya sa pagbagsak ng sangkatauhan, at nasasaktan Siya na unti-unting naglalakad ang sangkatauhan patungo sa pagkabulok at sa landas na wala nang balikan. Wala pang sinumang nag-iisip tungkol dito: Saan maaaring tumungo ang gayong sangkatauhan, na yaong lubusang dumurog sa puso ng Diyos at tumalikod sa Kanya para hanapin ang masama? Ito mismo ang dahilan kung bakit walang sumusubok na damhin ang poot ng Diyos, kung bakit walang naghahanap sa daang nakakalugod sa Diyos o sumusubok na mapalapit sa Diyos, at lalong higit na walang sinuman ang nagtatangkang pahalagahan ang pagdadalamhati at pasakit ng Diyos. Kahit matapos marinig ang tinig ng Diyos, ang tao ay nagpapatuloy sa kanyang sariling landas, patuloy na tinatalikuran ang Diyos, umiiwas sa biyaya at kalinga ng Diyos, at lumalayo sa Kanyang katotohanan, mas ginugustong ibenta ang kanyang sarili kay Satanas, ang kaaway ng Diyos. At sino na ang nakapag-isip sa, kapag ipinilit ng tao ang katigasan ng kanyang ulo, paano tatratuhin ng Diyos ang sangkatauhang ito na labis na nagbabalewala sa Kanya? Walang nakakaalam na ang dahilan ng paulit-ulit na mga paalaala at panghihikayat ng Diyos sa tao ay dahil inihanda na Niya sa Kanyang mga kamay ang isang kalamidad na wala pang katulad, isang kalamidad na hindi kakayanin ng katawan at kaluluwa ng tao, hindi lamang isang kaparusahan sa katawan, kundi isang kaparusahan na pumupuntirya sa kaluluwa ng tao. Kailangan mong malaman ito: Anong klase ng galit ang pakakawalan ng Diyos kapag hindi natupad ang plano Niya, at kapag hindi nasuklian ang Kanyang mga paalaala at panghihikayat? Isang bagay ito na hindi pa nararanasan o nalalaman ng sinumang nilikha. Kaya sinasabi Ko, ang kalamidad na ito ay wala pang katulad, at hindi na mauulit kailanman. Sapagkat ang plano ng Diyos ay minsan lamang likhain ang sangkatauhan, at minsan lamang iligtas ang sangkatauhan. Ito ang unang pagkakataon, at ito rin ang huli. Samakatwid, walang makakaunawa sa mga masusing layunin at taimtim na pag-aasam ng Diyos na iligtas ang sangkatauhan sa pagkakataong ito.

—Ang Salita, Vol. I. Ang Pagpapakita at Gawain ng Diyos. Diyos ang Pinagmulan ng Buhay ng Tao

Ang gawain ng Diyos ay sumusulong tulad ng rumaragasang alon. Walang sinuman ang maaaring pumigil sa Kanya, at wala ni isang maaaring magpahinto sa Kanyang martsa. Tanging ang mga taong nakikinig nang mabuti sa Kanyang mga salita, at mga taong naghahanap at nauuhaw sa Kanya, ang maaaring sumunod sa Kanyang mga yapak at makatanggap ng Kanyang pangako. Ang mga hindi naman ay sasailalim sa napakalaking kapahamakan at karapat-dapat na kaparusahan.

—Ang Salita, Vol. I. Ang Pagpapakita at Gawain ng Diyos. Apendise 2: Ang Diyos ang May Kataas-taasang Kapangyarihan sa Kapalaran ng Buong Sangkatauhan