1 Ang isang problema o kalagayan ay laging malulutas ng katotohanan, anumang uri ng problema o kalagayan ito. Hangga’t tinatatanggap mo ang katotohanan at mula sa pagiging teorya ay ginagawa itong realidad at isinasagawa ito at pinapasok ito, anong uri ka man ng tao, dadaan ka sa pagbabago at paglago. Ang diin ay nasa puso ng mga tao at nasa kanilang mga pagpili, at kung tumatalikod sila sa Diyos o sumusunod sa Kanya at nagpapasakop sa Kanyang mga salita kapag nahaharap sila sa isang problema. Tungkol din ito sa kung pinipili ng mga tao na bigyang-kasiyahan ang kanilang pisikal na pagnanasa kapag nahaharap sa kung ano, o kung sa halip ay kaya nilang talikdan ang kanilang laman at isagawa ang katotohanan, kumilos nang alinsunod sa mga salita ng Diyos.

2 Pagdating naman sa mga tao na laging pinipili ang pagbibigay-kasiyahan sa kanilang laman at mga pagnanasa, at pagsunod sa kanilang kagustuhan at hangad ng katawan, hindi nila kailanman mararanasan ang kahulugan o halaga ng pagsasagawa ng katotohanan. Ang mga tao na kayang talikdan ang laman, bitawan ang pansariling mga plano at pagnanasa, na nakagagawa ayon sa katotohanan at nakapapasok sa katotohanang realidad ay unti-unting makararanas kung ano ang kahulugan ng pagsasagawa ng katotohanan, mapagtatanto ang saya at lugod sa pagsasagawa ng katotohanan, at unti-unting magagawang makamit ang pagkaunawa sa kabuluhan ng mga salita ng Diyos at kung ano ang kahulugan at halaga ng paghingi ng Diyos na kumilos ang mga tao sa ganitong paraan.

3 Kung ganito sila madalas magsagawa, magkakaroon sila ng pagkamuhi, pagkasuklam at pagkainis sa kanilang diwang kalikasan. Samantala, mararamdaman din nila ang pag-ayaw sa mga negatibong bagay na kanilang makakaugnay sa kanilang paligid. Magsisimula silang maghangad na magkaroon ng tayog at sapat na kagustuhan na isagawa ang katotohanan, at umaasa sila na makapasok sa katotohanang realidad, mapalugod ang kalooban ng Diyos, at maging nilalang na may budhi, may katinuan, at may katotohanang realidad. Nauuhaw rin sila na magawang magpasakop sa Diyos, magpasakop sa lahat ng kapaligirang isinaayos ng Diyos, at pigilan ang sarili na maghimagsik laban sa Kanya; hinahangad nilang mapalugod ang kalooban ng Diyos.

Hango sa Ang Salita, Vol. III. Ang mga Diskurso ni Cristo ng mga Huling Araw. Ikatlong Bahagi