Isinawika

Ang sumusunod na talata

ay nakatala sa Aklat ni Jonas 4:10–11:

“At sinabi ni Jehova,

‘Ikaw ay nanghinayang sa kikayon

na hindi mo pinagpagalan o pinatubo man;

na sumampa sa isang gabi,

at nawala sa isang gabi:

At hindi baga Ako manghihinayang sa Ninive,

sa malaking bayang yaon,

na mahigit sa isang daan

at dalawampung libong katao

na hindi marunong makakilala

ng kanilang kanang kamay

at ng kanilang kaliwang kamay;

at marami ring hayop?'"

I

Ang awa’y maaaring mangahulugan

ng labis na pagmamahal at pagprotekta,

makaramdam ng paglalambing,

at walang kagustuhang makapanakit.

Ang Lumikha lang ang may awa sa sangkatauhan,

ang may walang katapusang pagmamahal,

ang makapagbibigay ng pagkahabag sa mga tao’t

makapagpapahalaga sa lahat Niyang nilikha.

II

Ang awa’y maaaring magpakita

ng magiliw na pagmamahal,

at ‘di pagnanais na sumuko.

Ang awa’y ang pagkahabag

at pagpaparaya ng Diyos sa tao.

Ibinubunyag nito ang saloobi’t puso ng Diyos.

Ang Lumikha lang ang may awa sa sangkatauhan,

ang may walang katapusang pagmamahal,

ang makapagbibigay ng pagkahabag sa mga tao’t

makapagpapahalaga sa lahat Niyang nilikha.

III

Ang mga tao sa Ninive’y kasing tiwali’t

dahas ng mga tao sa Sodoma,

ngunit dahil sa pagsisi nila’y

binago ng Diyos puso Niya.

Nagpasya Siyang ‘wag silang lipulin.

Tinanggap ng mga taga-Ninive

ang utos ng Diyos

nang may pagpapasakop

at pagsisisi sa mga kasalanan,

gayundin ang kanilang taos-pusong mga gawa.

Kaya’t naawa ang Diyos sa kanila.

IV

Walang makakatulad sa gantimpala, ni awa

ng Diyos sa sangkatauhan.

Walang makakataglay ng awa o pagpaparaya,

ni ng taos-pusong damdamin

ng Diyos sa sangkatauhan.

Ang Lumikha lang ang may awa sa sangkatauhan,

ang may walang katapusang pagmamahal,

ang makapagbibigay ng pagkahabag sa mga tao’t

makapagpapahalaga sa lahat Niyang nilikha.

Hango sa Ang Salita, Vol. II. Ukol sa Pagkakilala sa Diyos. Ang Diyos Mismo, ang Natatangi II