I

Katotohana’t paghatol ay ‘di gusto ng ilan.

Bagkus nais nila’y kapangyariha’t yaman.

Hanap nila’y maimpluwensyang grupo

at galing sa seminaryong pastor.

Tunay na daa’y ‘di lubos na tanggap.

‘Di kayang ibigay ang puso’t isipan,

sarili’y ilalaan sa Diyos, anila,

ngunit nakatuon sa pastor at guro.

‘Di sila nakatuon kay Cristo,

kundi sa yaman at papuri ng tao.

Ang ‘di nagpapahalaga sa katotohanan,

ay taksil at walang pananalig,

at kailanma’y ‘di tatanggap

ng pag-ayon ni Cristo.

II

Sa kanila’y ‘di p’wedeng ‘sang hamak

kayang lupigin ang tao’t perpektuhin.

Sa kanila’y katawa-tawa na itong

mga hamak sa alabok ay pinili ng Diyos.

Naniniwalang kung ang naturan ang layon

ng pagliligtas ng Diyos,

langit at lupa’y mababaliktad,

lahat ay magsisitawanan.

Dahil kung pinerpekto raw ng Diyos ang hamak,

dakila’y kayang maging Diyos Mismo.

Pananaw nila’y walang pananalig.

Ang malala, sila’y hayop na kakatwa.

Tayog, dangal, kapangyarihan at

malaking denominasyon ang nais nila,

walang malasakit sa inakay ni Cristo.

Taksil sa katotohanan, buhay, at sa Kanya.

Ang ‘di nagpapahalaga sa katotohanan,

ay taksil at walang pananalig,

at kailanma’y ‘di tatanggap

ng pag-ayon ni Cristo.

III

Kita mo na ba kung ga’no ka ‘di nananalig?

Ga’no ang pagtataksil kay Cristo?

Payo ng Diyos ay ilaan mo ang sarili nang buo

dahil katotohana’y napili mo.

Dapat mong malaman na ang Diyos

ay para sa mga tunay na nananalig.

‘Di Siya nabibilang sa mundo, o sa kahit kanino.

Siya’y para sa naglalaan at tapat sa Kanya.

Hango sa Ang Salita, Vol. I. Ang Pagpapakita at Gawain ng Diyos. Isa Ka bang Tunay na Mananampalataya sa Diyos?