Kasunod ng insidente sa Zhaoyuan, Shandong noong Mayo 28, pinalakas ng CCP ang pagsisikap na atakihin ang mga bahay-simbahan, at hanggang sa punto pa nga na nagpakilos ito ng mga armadong pulisya upang pigilan at sugpuin ang Ang Iglesia ng Makapangyarihang Diyos. Maraming tao ang nagpahayag ng pag-aalinlangan tungkol sa insidente ng Zhaoyuan, naniniwala na ito ay isang pagtatangka ng CCP na atakihin at pigilan ang Ang Iglesia ng Makapangyarihang Diyos sa pamamagitan ng paggawa ng pekeng kaso upang ibaling ang opinyon ng publiko laban dito. Sa kabila nito, ang kaso ay nilitis sa publiko sa isang korte ng CCP at iniulat ng mga pangunahing media sa China, at ang ilang tao ay naniwala sa sinabi ng CCP. Gusto naming marinig kung ano ang saloobin mo tungkol sa insidente sa Zhaoyuan.

Enero 21, 2022

Sagot:

Ang Kaso ng Shandong Zhaoyuan—na mag-isang inimbento ng CCP—ay nagkaroon ng matinding epekto sa China at sa ibang bansa noong panahong iyon at maraming ignoranteng tao ang nalinlang nito. Ngunit maloloko ba nito ang mundo? Sa kasalukuyan, gaano karaming tao ang nagtitiwala pa rin sa mga paghatol ng mga korte ng CCP at sa mga pag-uulat ng media nito? Walang panlilinlang at pagtatago sa katotohanan na nagtatagal; ang mga kasinungalingan ay mananatiling kasinungalingan, at hindi kailanman maaaring maging katotohanan. Alam ng lahat ng nakakaintindi sa CCP na ang bansang China ay pinaghaharian ng isang Komunistang diktadurya at walang kasarinlan ang hukuman nito o malayang pamamahayag. Walang kasarinlan ang mga hukom ng CCP; kailangan nilang gawin kung ano ang sinasabi ng gobyernong CCP at ang lahat ng kaso ay hinahawakan ayon sa kagustuhan ng gobyerno. Ang media ng bansang China ay kontrolado rin ng gobyernong CCP, at mga bibig lamang at kasangkapan ng diktaduryang CCP. Tanggap na katotohanan ang mga ito. Walang pag-aalinlangan na ang mga kaso sa mga korte ng CCP ay mga katawa-tawang palabas na bumabaluktot sa mga totoong pangyayari at bumabaligtad sa katotohanan. Walang anumang pagiging makatarungan o patas dito! Sa panahon ng pagsasakdal sa publiko ng Insidente sa Shandong Zhaoyuan, malinaw na sinabi ng mga taong pinaghihinalaan na “Hindi ako kailanman nakipag-ugnayan sa Ang Iglesia ng Makapangyarihang Diyos,” at “ang inaatake ng estado ay ang ‘Makapangyarihang Diyos’ ni Zhao Weishan, hindi ang aming ‘MakapangyarihangDiyos.’” Malinaw sa kanilang mga pag-amin na hindi sila mga miyembro ng Ang Iglesia ng Makapangyarihang Diyos, at hindi rin sila kinikilala ng Ang Iglesia ng Makapangyarihang Diyos; wala silang anumang kaugnayan sa Ang Iglesia ng Makapangyarihang Diyos. Kaya bakit nagbingi-bingihan ang hukom ng CCP sa bagay na ito at hindi pinagpasyahan ang kaso batay sa mga totoong nangyari? Bakit lantarang sinalungat ng hukom ang pag-amin ng mga taong pinaghihinalaan at sadyang binaluktot ang mga totoong pangyayari, binaligtad ang katotohanan, at ipinagpilitang mga miyembro ng Ang Iglesia ng Makapangyarihang Diyos ang mga taong ito na pinaghihinalaan sa kabila ng kawalan ng anumang ebidensiya? Hindi ba’t halata naman na nag-imbento ng kasinungalingan ang CCP upang idiin at akusahan nang hindi totoo ang Ang Iglesia ng Makapangyarihang Diyos, upang sugpuin at usigin ang Iglesia at siraan ito sa publiko? Hindi ba nito sinalungat ang mga totoong pangyayari, hindi ba nito niyurakan ang batas? Hindi ba ito mga lantarang kasinungalingan? Paanong hindi pagdududahan ang gayong uri ng paghatol? Maraming taon nang nagkakalat ang CCP ng mga kasinungalingan at panlilinlang. Lalo pa itong nagiging kilala sa kabuktutan at kawalan ng kahihiyan, tiwali at masama. Sirang-sira na ang reputasyon nito; sa mismong bansa nito at sa ibang bansa, hindi matitiis ang mabahong alingasaw nito. Parami na nang parami ang mga tao sa buong mundo na nakakakita kung ano talaga ang CCP; wala nang naniniwala pa sa CCP, dahil ang CCP ay isang nakakasuklam at ateistang partido sa pulitika, isang grupong pagmamay-ari ni Satanas ang diyablo na walang kapantay sa buong mundo sa kasamaan at paglaban nito sa Diyos.

Ang sinumang may pagkaunawa sa CCP ay malamang na pamilyar sa modus operandi nito. Sa tuwing marahas na sinusugpo ng CCP ang paniniwalang panrelihiyon, mga kilusan para sa mga demokratikong karapatan, mga protesta ng etnikong minorya, at iba pa, gumagawa muna ito ng mga pekeng insidente upang gawing mali ang opinyon ng publiko at galitin ang madla, pagkatapos ay isasagawa nito ang madugong pagsugpo. Gawin nating halimbawa ang mga protesta sa Tiananmen Square noong 1989: Isa lamang itong kilusan ng mga estudyante noong una na lumalaban sa katiwalian at nagtataguyod ng demokrasya at kalayaan, ngunit nag-utos ang CCP sa mga di-nakilalang indibidwal na magkunwaring mga estudyante at makihalo sa mga nagpoprotesta, kung saan ay lumikha sila ng gulo sa pamamagitan ng paggawa ng mga bandalismo, panununog, at paninira ng mga sasakyan ng militar. Ang mga estudyante lamang ang pinagbintangan at binansagan ang pagkilos ng mga estudyante na isang kontra-rebolusyonaryong panggugulo, at sa pamamagitan nito ay nagkaroon sila ng dahilan para sugpuin ang mga estudyante at ilunsad ang madugong panghuhuli kung saan hindi bababa sa ilang libong estudyante ang binaril o sinagasaan ng mga tanke. Sa ganitong paraan nagpakana ang CCP ng nakakakilabot na kampanya na nagpayanig sa mundo at ikinadismaya nang husto ng mga mamamayang Tsino—ang Madugong Patayan sa Tiananmen Square. Ganito rin ang nangyaring pagsugpo ng CCP sa mga protesta ng mga taga-Tibet. Una, inutusan nito ang mga tao na makihalo sa mga nagpoprotesta habang sinusunod ang utos na gumawa ng mararahas na gawain, kabilang na ang pagsunog, pagpatay, pagnanakaw at pangungulimbat, pagkatapos ay pinakilos nito ang hukbong-katihan upang paputukan ang mga nagpoprotesta sa kadahilanang pinipigil nito ang paghihimagsik ng mga taga-Tibet. At marami pa itong ibang ginawa. Ang mga totoong pangyayaring ito ay katunayan ng alam na alam nang taktika ng CCP sa paglipol sa mga lumalaban dito: Una, umiimbento ito ng mga kasinungalingan, binabaluktot nito ang mga totoong pangyayari, at gumagawa ng mga maling akusasyon, pagkatapos ay isinasagawa nito ang madugong panghuhuli. Sa katunayan, naging batayan ang Kaso sa Zhaoyuan kung saan nagawang pasamain ng CCP ang opinyon ng publiko upang walang-awang pahirapan at usigin Ang Iglesia ng Makapangyarihang Diyos. Isa na naman itong karumal-dumal na krimen sa pang-uusig ng CCP sa paniniwalang panrelihiyon. Subalit matapos sugpuin at usigin Ang Iglesia ng Makapangyarihang Diyos sa loob ng maraming taon, nagawa nga ba ng CCP na lipulin ito? Maraming taon na ang nakararaan, nagkasala sa disposisyon ng Diyos ang mga Hudyo sa pamamagitan ng pagpako sa Panginoong Jesus sa krus; sinumpa sila ng Diyos, at dumanas ng walang katulad na pagkawasak ng kanilang bayan. Dahil sa naggagalaiting pagsalungat nito sa Diyos at walang-awang pang-uusig sa mga Kristiyano, nawasak din ang Imperyo ng Roma sa pamamagitan ng salot na ipinadala ng Diyos. Totoo ang lahat ng pangyayaring ito. Hindi magawang takasan ng CCP ang masumpa at maparusahan ng Diyos dahil sa pagsalungat at pagkokondena nito sa gawain ng Diyos ng mga huling araw. Gaya ng sinasabi ng Makapangyarihang Diyos na, “Nagtitiwala kami na walang bansa o kapangyarihan ang maaaring pumigil sa kung ano ang nais ng Diyos na makamit. Ang mga humahadlang sa gawain ng Diyos, lumalaban sa salita ng Diyos at nanggugulo at sumisira sa plano ng Diyos ay parurusahan ng Diyos sa huli. Siya na lumalabag sa gawain ng Diyos ay ipadadala sa impiyerno; anumang bayan na sumusuway sa gawain ng Diyos ay wawasakin; anumang bansa na tumututol sa gawain ng Diyos ay mabubura sa daigdig na ito, at titigil sa pag-iral” (Ang Salita, Vol. I. Ang Pagpapakita at Gawain ng Diyos. Apendise 2: Ang Diyos ang Namumuno sa Kapalaran ng Buong Sangkatauhan).

Basahin ang iba pa

Sinundan: Pinatototohanan mo na ang Cristo ng Mga Huling Araw, ang Makapangyarihang Diyos, ay ang pagbabalik ng Panginoong Jesus, at inihahayag Niya ang lahat ng katotohanan para sa paghatol, paglilinis, at pagliligtas ng sangkatauhan. Gayunpaman inaangkin ng CCP na ang “Makapangyarihang Diyos” na pinaniniwalaan mo ay isang ordinaryong tao lamang. Alam ng CCP ang lahat tungkol sa background ng pamilya ng taong ito, at naipost din ang larawan, pangalan, at address ng pamilya ng taong ito online. Hindi ko ito maintindihan—totoo ba o hindi ang sinasabi ng CCP?

Sumunod: Bagaman naniniwala ka sa Makapangyarihang Diyos, nagbabasa ng mga salita ng Makapangyarihang Diyos, at nananalangin sa pangalan ng Makapangyarihang Diyos, nagpapalaganap ang CCP ng impormasyon na nagsasabing Ang Iglesia ng Makapangyarihang Diyos ay nilikha ng isang tao, at ginagawa mo ang anumang sinasabi nito. Pinatototohanan mo na ang taong ito ay isang pari, isang taong ginamit ng Diyos, at siya ang may responsibilidad sa lahat ng mga administratibong gawain. Hindi ko ito mawari—sino nga ba ang nagtatag ng Ang Iglesia ng Makapangyarihang Diyos? Ano ang pinagmulan nito? Maaari mo bang ipaliwanag ito?

Iba't ibang bihirang sakuna ang nangyayari ngayon, at ayon sa mga propesiya sa Bibliya, mas malalaking kalamidad pa ang darating. Kaya paano natin matatanggap ang proteksyon ng Diyos sa mga kapighatiang ito? Makipag-ugnayan sa amin, at tutulungan namin kayong mahanap ang daan.

Kontakin Kami Gamit ang Messenger

Kaugnay na Nilalaman

Pinatotohanan n’yo na ang Makapangyarihang Diyos ang Diyos ng mga huling araw na nagpapakita at gumagawa, at sinabi n’yo ring naghahanap ng katotohanan ang paniniwala n’yo sa Kanya, at tinatahak n’yo ang tamang daan ng buhay. Pero sa pagkakaalam ko, marami sa mga naniniwala sa Kanya sa Makapangyarihang Diyos ay katulad ng mga misyonaryo ni Jesus, na sa layunin ng pagpapakalat ng ebanghelyo at pagpapatotoo sa Diyos, ay hindi nag-alinlangang iwan ang pamilya at propesyon, at ibinigay ang katawan at kaluluwa sa Diyos. Sa kanilang lahat marami sa mga kabataan ang hindi nagpapakasal, ginagawa nila ang tungkulin nila sa pagsunod kay Cristo ng mga huling araw. Hindi n’yo yata alam na, dahil iniiwan n’yo ang pamilya n’yo at kumikilos para ikalat ang ebanghelyo at magpatotoo sa Diyos, lalong dumarami ang mga taong naniniwala sa Diyos. Kapag ang lahat ng tao ay napalapit na sa Diyos, sino pang maniniwala sa Partido Komunista, at susunod sa kanila? Malinaw na dahil dito, pinipigilan kayo at inaaresto ng gobyerno. May nakikita ba kayong mali rito? Dahil naniniwala kayo sa Diyos sa ganitong paraan kaya maraming tao ang inaresto at sinintesyahang makulong, at marami ang umalis ng bahay at lumikas. Maraming mag-asawa ang nagdiborsyo, at maraming bata ang walang mga magulang na, magmamahal sa kanila. Maraming matatanda ang walang karamay para mag-alaga sa kanila. Sa paniniwala sa Diyos sa ganitong paraan, dinanas ng mga pamilya ninyo ang matinding paghihirap. Ano ba talagang gusto ninyong makamit? Hindi kaya ito ang tamang daan para sa buhay ng tao na sinasabi n’yo? Ang tradisyunal na kultura ng Tsina ay nagbibigay ng higit na pagpapahalaga sa kabanalan ng pamilya. Ayon sa kasabihan: “Sa lahat ng kabutihan, ang paggalang ng anak sa magulang ang pinakamahalaga.” Sabi ni Confucius: “Habang buhay pa ang mga magulang n’yo, huwag kayong maglalakbay nang malayo.” Ang pagrespeto sa mga magulang ang pundasyon ng pag-uugali ng tao. Sa paniniwala at pagsunod sa Diyos sa paraang ginagawa n’yo, hindi nyo magawang alagaan kahit na ang mga magulang n’yong nagbigay-buhay at nag-aruga sa inyo, pa’no ito naituring na tamang daan para sa buhay ng tao? Madalas kong marinig sa mga tao na, mabubuti ang lahat ng sumasampalataya. Hindi mali yon. Pero naniniwala kayong lahat sa Diyos, sumasamba at nagtatanghal sa Kanya bilang dakila. Ito ang dahilan para magpuyos sa galit ang Partido Komunista, at mapuno ng pagkamuhi. Ginagawa n’yo ang tungkulin n’yo para maikalat ang ebanghelyo, pero ni hindi n’yo maalagaan ang mga sarili n’yong pamilya. Paano ito maituturing na kagandahang asal? Anong masasabi n’yo? Posible kaya na kahit hindi nakikita ay nagkamali kayo ng tinahak na daan sa paniniwala sa Diyos? Sa pagpapakalat ng ebanghelyo at pagpapatotoo sa Diyos sa ganitong paraan, hindi ba’t sinisira n’yo ang pagkakaisa at katatagan ng lipunan? Nakikiusap ako sa inyo na itigil n’yo na ang paggawa ng mali. Bumalik na kayo sa lipunan sa lalong madaling panahon, samahan n’yo na ang pamilya n’yo, magkaro’n ng normal na buhay, at alagaang mabuti ang inyong pamilya. Dapat n’yong gawin ang tungkulin n’yo bilang mga anak at magulang. Ito lang ang pundasyon sa pag-uugali ng tao, at ito lang ang pinakapraktikal.

Sagot: Paulit-ulit mong sinasabi na maling daan ang tinahak namin sa paglisan sa mga pamilya at propisyon namin para maniwala sa Diyos at...

Lahat kayo ay naniniwala sa Diyos; Ako naman ay kina Marx at Lenin. Dalubhasa ako sa pagsasaliksik ng iba’t ibang paniniwala sa relihiyon. Sa ilang taon ng pagsasaliksik ko, may nadiskubre akong isang problema. Ayon sa relihiyosong paniniwala ay mayroon talagang Diyos. Pero sa dami ng naniniwala sa Diyos, wala pa namang nakakakita sa Kanya. Ang paniniwala nila ay base sa sarili nilang nararamdaman. Kaya nga nakabuo ako ng konklusyon tungkol sa relihiyosong paniniwala: Purong imahinasyon lang ang relihiyosong paniniwala; yun ay isang pamahiin, at walang matibay na basehan sa syensya. Ang modernong lipunan, ay isang lipunan kung saan napakaunlad na ng syensya. Kailangang, nakabase ang lahat sa syensya, para hindi na magkaro’n ng kamalian. Kaming mga miyembro ng Partidong Komunista ay naniniwala sa Marxismo-Leninismo. Hindi kami naniniwalang may Diyos. Ano bang sabi sa The Internationale? “Kailanma’y di nagkaro’n ng Tagapagligtas ang mundo, o ng diyos at emperador na kailangang asahan. Upang magkaro’n ng kaligayahan ang tao, mga sarili lamang natin ang ating asahan!” Malinaw sa The Internationale na “Kailanma’y di nagkaro’n ng Tagapagligtas ang mundo.” Ang sangkatauhan ay naniwala noon sa Diyos at naging mapamahiin dahil ang sangkatauhan nung mga panahong iyon, ay humaharap sa kababalaghan ng natural na mundo na ang araw, buwan, mga bituin; hangin, ulan, kulog at kidlat, ay hindi makapagbibigay ng siyentipikong paliwanag. Samakatuwid, sumibol sa mga utak nila ang takot at pagtataka tungkol sa di-pangkaraniwang kapangyarihan. Kung kaya nabuo ang mga pinakaunang konsepto ng relihiyon. Bukod ditto, nung hindi malutas ng mga tao ang kahirapang dulot ng mga kalamidad at sakit, umasa silang makakuha ng ginhawang pangkaluluwa sa pamamagitan ng mataimtim na pagsunod sa Diyos. Ito ang dahilan kaya nabuhay ang relihiyon. Kitang-kita naman, Hindi ito makatwiran at hindi siyentipiko! Sa panahong ito, moderno na ang tao, at namamayagpag na ang siyensya. Sa mga larangang gaya ng aerospace industry, biotechnology, genetic engineering at medisina, mabilis na naging maunlad ang lahat ng tao. Noon hindi ito naintindihan ng sangkatauhan, at hindi nila kayang lutasin ang mga problema. Pero ngayon kaya ng ipaliwanag ng siyensya ang mga problemang ito, at pwede ng umasa sa siyensya para magbigay ng mga solusyon. Ngayong maunlad na ang agham at teknolohiya, kung naniniwala pa rin ang tao sa Diyos, at naging mapamahiin, hindi ba’t ito ay kabaliwan at kamangmangan? Hindi ba’t napag-iwanan na ang mga tao sa panahong ito? Ang pinakapraktikal na gawin ay ang maniwala tayo sa siyensya.

Sagot: Sabi n’yo ang relihiyosong paniniwala ay dahil sa napag-iwanan na ang tao sa siyentipikong kaalaman, at nabuo mula sa takot at...

Matagal na akong nagtatrabaho para sa United Front, at napag-aralan ko na ang iba’t ibang relihiyon. Ang Kristiyanismo, Katolisismo at Eastern Orthodoxy ay pawang mga relihiyong orthodox na nananalig kay Jesus. Pero ibang-iba ang pananalig n’yo sa Makapangyarihang Diyos. Ayon sa mga dokumento ng CCP, ang Makapangyarihang Diyos ay ni hindi kabilang ng Kristiyanismo. Nangangaral kayo ng ebanghelyo sa iba’t ibang sekta sa ilalim ng Kristiyanismo na hindi kayo kinikilalang Kristiyano. Kaya hinding-hindi ko kayo papayagang manalig sa Makapangyarihang Diyos. Maaari lang kayong manalig sa Kristiyanismo kung gusto nyo. Mas magaan ang pagpapahirap ng gobyerno sa ganitong paraan. Kung maaresto at mabilanggo kayo dahil sa pananalig sa Makapangyarihang Diyos, manganganib ang buhay n’yo. Nakita na ng CCP na lahat ng nananalig sa Makapangyarihang Diyos ay walang salang mga alagad ni Cristo sa mga huling araw na mga disipulo at apostol ni Cristo. Ang lubhang pinangangambahan ng CCP ay ang mga pahayag at patotoo sa aklat na Ang Salita ay Nagpapakita sa Katawang-tao na ipinahayag ni Cristo sa mga huling araw, pati na ang matatag na grupong sumusunod kay Cristo sa mga huling araw. Napag-aralan na namin ang kasaysayan ng Kristiyanismo. Ang lubhang pinangambahan ng imperyong Romano ay ang mga disipulo at apostol ni Jesus. Kaya nang hulihin ang mga taong ito, pinagpapatay sila sa iba’t ibang pamamaraan. Ngayon, kung hindi ginawa ang mga hakbang na ito para supilin at lubos na ipagbawal ang grupong ito ng mga tao na sumusunod sa Cristo ng mga huling araw, ilang taon pa lang, mapapailalim sa kanila ang lahat ng iba’t ibang relihiyon. Sa ngayon, ang ilang pangunahing grupong Kristiyano sa China ay napailalim na ng Iglesia ng Makapangyarihang Diyos. Kung hindi inimbento ng CCP ang ilang opinyon ng publiko at nagpakana ng Kaso sa Zhaoyuan, darating siguro ang araw na mapapailalim ang iba’t ibang relihiyon sa mundo sa Iglesia ng Makapangyarihang Diyos. Kapag napailalim sa Iglesia ng Makapangyarihang Diyos ang lahat ng iba’t ibang relihiyon, lubhang makakasama ’yan sa pamamahala ng CCP. Sa gayon, matatag ang determinasyon ng Central Committee na gamitin ang lahat ng puwersa para lubos na ipagbawal ang Iglesia ng Makapangyarihang Diyos sa loob ng maikling panahon. Dapat n’yong malaman, ang paglitaw ng Kidlat ng Silanganan ay hindi lamang nabalita sa China, malaking balita rin ito sa mundo. Dahil gumawa kayo ng napakalaking hakbang, paanong hindi galit na maglulunsad ng malakihang pagsupil at pag-aresto ang CCP laban sa inyo? Kung kailangan n’yong maniwala sa Diyos, maaari lang kayong manalig sa Kristiyanismo. Talagang bawal kayong manalig sa Makapangyarihang Diyos. Ang Iglesia ng Makapangyarihang Diyos ay hindi kabilang ng Kristiyanismo, hindi n’yo ba alam ’yan?

Sagot: Kasasabi n’yo lang ng mismong dahilan kaya sinusupil ng CCP ang Iglesia ng Makapangyarihang Diyos. Pero hindi ba n’yo alam kung...

Ang CCP ay isang rebolusyonaryong partido. Ang pinaniniwalaan nito ay kabastusan at karahasan, ibig sabihin, pag-agaw sa kapangyarihan nang may karahasan! Kung tatanggapin natin ang katwiran ng CCP, “Ang isang kasinungalingan ay nagiging katotohanan kung uulit-ulitin nang sampung libong beses.” Gaano man karaming tao ang nagdududa sa salita nito, tumatanggi at hindi naniniwala rito, walang pakialam ang CCP kahit bahagya, at patuloy pa rin itong nagsisinungaling at nanlilinlang. Basta’t makakamtan nito ang mga agarang epekto at minimithi nito, wala itong pakialam sa magiging kapalit! Kung magrebelde at magprotesta ang mga tao laban dito, gagamit ito ng mga tangke at machine gun para lutasin ang lahat. Kapag kailangan, gagamit ito ng mga bomba atomika at missile para labanan ang mga puwersa ng kalaban. Maaaring gawin ng CCP ang lahat para manatili ito sa paghahari. Nang ipahayag sa publiko ang kaso sa Zhaoyuan sa Shandong, ang CCP ay nagpasimula ng maramihang pagpapadala ng mga sandatahang pulis para supilin at arestuhin ang mga Kristiyano anuman ang mangyari. Sino ang makakapigil dito? Sino ang nangahas na lumaban? Kahit nang makita ng mga dayuhan ang panloloko ng CCP, ano ang magagawa nila? Maraming paraan ang CCP para labanan ang pagtuligsa ng mga demokratikong puwersa ng mga taga-Kanluran. Gumagamit ito ng pera para ayusin ang lahat. May kasabihan nga na, “Sinumang tumanggap ng regalo ay ibinebenta ang kanyang kalayaan.” Paunti nang paunti ang mga bansang tumutuligsa sa CCP ngayon. Takot ang puwersa ng mga kaaway ng CCP na iparinig ang kanilang opinyon. Paano man n’yo ito sabihin, naigigiit pa rin ng CCP ang paghahari nito. Hangga’t may kapangyarihan ang Communist Party, kayong mga nananalig sa Diyos ay hindi makakaasang maging malaya! Ang pagpapakita at gawain ng Diyos sa China ay talagang kamumuhian at ipagbabawal ng CCP. Makamtan man ng CCP ang mithiin nitong magbuo ng ateismo sa China o hindi, hindi ito titigil kailanman sa pag-aresto at pagsupil sa inyo! Matagal na itong malinaw sa akin. Kaya nga tinututulan kong mabuti ang pananalig n’yo sa Makapangyarihang Diyos. Para sa kapakanan n’yo ’yan, hindi n’yo ba nauunawaan?

Sagot: Napakasama ng CCP, pero umuunlad pa rin ito sa mundo at walang nangangahas na hadlangan ito. Ibig kayang sabihin n’yan ay permanente...