Sa yugto ng gawain ng mga huling araw,

nakita ng tao ang pag-ibig ng Diyos,

ang pagkastigo’t paghatol Niya.

Diyos ay nagtutustos, nagtataguyod,

nagbibigay liwanag at gumagabay sa tao

upang makita ng tao’ng mga intensyon Niya

at ang katotohanang kaloob Niya sa tao.

I

Diyos ay ‘di laging

nagdidisiplina’t nagwawasto,

ni Siya ay laging

nagpapaubaya’t nagpapasensya.

Sa halip, Siya’y nagbibigay sa

bawat tao sa iba’t ibang paraan,

sa sarili nilang mga yugto,

ayon sa tayog at kakayahan.

Gumagawa Siya ng maraming bagay para sa tao

nang may sakripisyong lingid sa tao.

Tunay ang pag-ibig ng Diyos:

Sa biyaya ng Diyos,

tao’y nakaiiwas sa sakuna

oras-oras at muli’t muli.

At sa lahat ng ito’y

nagpaparaya’ng Diyos sa kahinaan ng tao.

Naghahatol Siya’t nagkakastigo,

upang katiwalian ng tao’y matanto ng mga tao.

Mapagtatanto nilang

sataniko’ng diwa ng tao.

Ang binibigay ng Diyos at patnubay Niya’y

nagpapakita sa tao ng diwa ng katotohanan,

nang malaman nila’ng kailangan ng tao,

ang daang dapat nilang tahakin,

ang halaga’t kahulugan ng buhay,

at kung pa’no lumakad sa daang tinatahak.

II

Ang mga paraan ng paggawa ng Diyos

ay walang tigil na pagsisikap

upang puso ng tao’y gisingin,

nang mapagtanto ng tao

kung sino’ng gumagabay

at sumusuporta sa kanila,

kung saan nagmula ang tao,

kung sino’ng sa kanila’y nagpapanitiling buhay,

kung sino’ng Lumikha’t dapat sambahin.

Upang malaman ng tao’ng daang tatahakin

at kung pa’no lalapit sa Diyos.

Lahat ‘to’y upang puso ng tao’y muling buhayin,

upang malaman nila’ng nasa puso ng Diyos,

upang maunawaan ng mga tao’ng

pangangalaga’t paglingap sa likod

ng gawaing ginagawa ng Diyos

upang iligtas ang tao.

‘Pag nagising ang puso ng tao,

tao’y ‘di na hihiling na patuloy mamuhay

nang may tiwaling disposisyon,

sa halip katotohana’y hahanapin

upang Diyos ay palugurin.

Tapos siya’y makalalaya mula kay Satanas

at ‘di na mapipinsala.

Mawawalan ng kontrol si Satanas,

tao’y ‘di na malilinlang.

Sa halip tao’y makikipagtulungan

sa gawai’t salita ng Diyos

upang palugurin ang puso ng Diyos,

sa gayo’y makakamit ang takot sa Diyos,

iiwas sa kasamaan.

Ito’ng dahilan kung bakit

sinimulan ng Diyos ang Kanyang gawain.

Hango sa Ang Salita, Vol. II. Ukol sa Pagkakilala sa Diyos. Ang Diyos Mismo, ang Natatangi VI