I

Ngayon tinatanggap ko ang paghatol ng Diyos,

at bukas ay tatanggapin ko ang Kanyang mga pagpapala.

Handa akong ibigay ang aking kabataan at ialay ang aking buhay

upang makita ang araw ng kaluwalhatian ng Diyos.

Siya ay gumagawa at nagpapahayag ng katotohanan,

nagkakaloob sa tao ng daan ng buhay.

Ang mga salita ng Diyos at ang pagmamahal ng Diyos

ay bumighani sa aking puso.

Handa akong tunggain ang mapait na saro at magdusa upang matamo ang katotohanan.

Titiisin ko ang kahihiyan nang hindi dumaraing.

Nais kong gugulin ang buhay ko na ginagantihan ang biyaya ng Diyos.

II

Nang may mga ipinagkatiwala ng Diyos sa aking puso,

hindi ako kailanman magpapasakop kay Satanas.

Kahit mapugot ang aming ulo at dumanak ang aming dugo,

hindi maaaring yumuko ang gulugod ng mga tao ng Diyos.

Magbibigay ako ng matunog na patotoo para sa Diyos,

at ipapahiya ang mga diyablo at si Satanas.

Pauna nang itinakda ng Diyos ang pasakit at mga paghihirap,

magiging matapat at masunurin ako sa Kanya hanggang kamatayan.

Hinding-hindi ko na muling paiiyakin ang Diyos

at hinding-hindi ko na siya pag-aalalahanin.

Iaalay ko ang aking pagmamahal at katapatan sa Diyos

at tatapusin ko ang aking misyon upang luwalhatiin Siya.

III

Ang mga salita ng Diyos ay nagbibigay sa akin ng pananalig,

at nang may matibay na kalooban, susunod ako sa Diyos hanggang sa huli.

Hangga't mayroon akong hininga, patuloy akong mangangaral ng ebanghelyo

at magpapatotoo sa Diyos nang may di-natitinag na determinasyon.

Pinupuri ko ang Diyos nang buo kong puso at isipan,

at inaalay ang aking bagong awit at sayaw.

Binubuksan ko ang aking puso at ibinubunyag ang aking damdamin,

at inaalay ko ang aking tunay na puso sa Diyos.

Ang puso ko ay magpakailanmang nakaugnay sa Diyos.

Pagdating ng araw ng kaluwalhatian Niya,

magtitipon tayo sa paligid ng luklukan at masayang magsasayawan;

at pupurihin natin ang Diyos magpakailanman.

mula sa Sundan ang Kordero at Kumanta ng mga Bagong Awitin