I

Ang Diyos ay naging Anak ng tao at pumarito sa mundo;

Siya ang Makapangyarihang Diyos, si Cristo ng mga huling araw.

Nagpahayag Siya ng napakaraming katotohanan at nagdala ng liwanag sa sangkatauhan.

Naririnig natin ang tinig ng Diyos at bumabalik tayo sa harap Niya.

Araw-araw nating kinakain, iniinom, at tinatamasa ang salita ng Diyos.

Ang buhay na tubig ng trono ay nagdidilig at nagtutustos sa atin.

Dumadalo tayo sa piging ng kaharian sa langit,

nagsasaya ang puso natin sa tamis na walang kapantay.

Hindi natin kailanman inakala na makakaharap natin nang personal ang Diyos.

Ang marinig ang tinig ng Diyos at makabalik sa Kanya

ay biyaya at pagpapala ng Diyos.

Sa pagkain at pag-inom ng salita ng Diyos, nauunawaan natin ang maraming katotohanan,

at malinaw nating nakikita ang kadiliman ng mundo

at ang matinding katiwalian ng tao.

Napakapalad natin para sundan ang Diyos, at ito ang pinakamalaking pagpapala.

Ginagawa natin nang maayos ang mga tungkulin natin

para palugurin ang Diyos at suklian ang pagmamahal Niya.

II

Sa pamamagitan ng paghatol at pagkastigo ng mga salita ng Diyos,

nagagawa nating malaman ang matuwid na disposisyon ng Diyos.

Nagkaroon tayo ng tunay na pagsisisi, at nalinis ang ating katiwalian.

Ginagampanan natin ang mga tungkulin natin nang may pagkamatapat

malakas tayong nagpapatotoo.

Tunay na pinagpala tayo na nagagawa nating mahalin ang Diyos.

Natatamo natin ang katotohanan at buhay.

Natatamo natin ang tunay na pagpapasakop sa Diyos,

at natatanggap natin ang Kanyang pagsang-ayon at mga pagpapala.

Ginagagampanan natin ang ating mga tungkulin sa praktikal na paraan,

at kinukompleto ang atas ng Diyos at pinalulugod Siya.

Natatamo natin ang pagliligtas ng Diyos sa mga huling araw;

napakapalad natin na matanggap ang Kanyang pangako.

O, Makapangyarihang Diyos, pinasasalamatan at pinupuri Ka namin;

nilinis at iniligtas kami ng Iyong salita.

Sa pamamagitan ng Iyong salita napakarami naming nakamit,

at mamahalin Ka namin

at magpapatotoo kami sa Iyo magpasawalang-hanggan.

mula sa Sundan ang Kordero at Kumanta ng mga Bagong Awitin