I

Dumating na sa lupa ang Diyos at namumuhay kasama natin,

nagpapahayag ng maraming katotohanan.

Hindi ko na kailangan maghanap sa kalabuan,

dahil mayroon akong mga salita ng Diyos na gagabay sa akin.

Bawat araw, kumakain at umiinom ako ng mga salita ng Diyos

at namumuhay sa harap ng Diyos;

binibigyang-liwanag at tinatanglawan ako ng Banal na Espiritu.

Mas malinaw ko nang nauunawaan ang katotohanan,

at lumalago ang aking buhay araw-araw.

Inilalantad ng mga salita ng Diyos ang mga katunayan ng katiwalian ng tao,

at ang lahat ay lubos na nakumbinsi.

Sa pamamagitan ng paghatol ng mga salita ng Diyos

at paghihirap sa mga pagsubok,

ang mga tiwaling disposisyon ko ay nalilinis.

Sa pagtamasa sa kayamanan ng mga salita ng Diyos,

tunay na marami na akong nakamit.

Habang nakikita ang pagiging matuwid at ang kabanalan ng disposisyon ng Diyos,

natatakot ako sa Diyos at humahanga sa Kanya.

II

Sa pagbabasa ng mga salita ng Diyos, nauunawaan ko ang katotohanan

at nalalampasan ang mga hadlang ng laman.

Hinahanap ang katotohanan at nagpapasakop sa Diyos

habang ginagawa ang aking tungkulin,

isinasabuhay ko ang pagkakatulad ng isang tapat na tao.

Nauunawaan ko ang katotohanan at iwinawaksi ang aking tiwaling disposisyon;

ang katotohanan ng mga salita ng Diyos ay napakahalaga.

Sa pagsasagawa ng mga salita ng Diyos, nakatatamo ako ng katotohanan at buhay,

at wala nang maaaring hilingin pang iba ang aking puso.

Dahil nakikita ko kung gaano kadakila at gaano katotoo ang pag-ibig ng Diyos,

handa akong ibigay ang totoong puso ko sa Diyos.

Gaano man kahirap at kasalimuot ng daan sa hinaharap,

sumusunod ako sa Diyos nang may sukdulang pananalig.

Hinahangad kong mahalin ang Diyos at matakot sa Diyos at umiwas sa kasamaan,

at ang landas pasulong ay nagiging mas maliwanag.

Susundan ko si Cristo hanggang sa huli,

at tutuparin ang aking katapatan

upang salubungin ang pagpapakita ng nakangiting mukha ng Diyos.

mula sa Sundan ang Kordero at Kumanta ng mga Bagong Awitin