Si Li Cheng'en ay isang debotong Kristiyano. Noon pa man ay matibay niyang pinaniniwalaan na paparito ang Panginoong Jesus sakay ng mga ulap pagkatapos ng malalaking kalamidad at irarapture ang mga mananampalataya tungo sa kaharian ng langit. Nang marinig niyang pinapatotohanan ng mga tao na bumalik na ang Panginoong Jesus, nahirapan siyang tanggapin ito dahil iniisip niya na hindi pa dumarating ang malalaking kalamidad. Pero hindi nagtagal, natuklasan niya sa pamamagitan ng pagsisiyasat na matagal nang nagsimula ang malalaking kalamidad na ipinropesiya sa Aklat ng Pahayag at na palihim nang bumaba ang Panginoong Jesus para magpakita at gumawa. Sa labis na kasabikan, matatag niyang tinahak ang landas ng pangangaral ng ebanghelyo, naglalakbay sa malalayong lugar para magpatotoo sa pagbabalik ng Panginoon. Habang nangangaral ng ebanghelyo, personal niyang nasaksihan ang iba't ibang kalamidad na madalas lumilitaw, maraming tao na ang naipit sa gitna ng mga kalamidad. Naramdaman niya ang apurahang layunin ng Diyos na iligtas ang mga tao, at anuman ang mga panganib o kapighatiang kinakaharap niya, nagpatuloy pa rin siya nang hindi nahahadlangan …