Makinig Lamang sa Tinig ng Diyos Habang Sinisiyasat ang Tungkol sa Tunay na Daan—Hindi Ka Dapat Makinig sa mga Sabi-sabi at Kasinungalingan ni Satanas

Yaong mga hindi nakauunawa sa katotohanan ay laging sumusunod sa iba: Kung sinasabi ng mga tao na ito ang gawain ng Banal na Espiritu, ikaw man ay magsasabi rin na ito ay gawain ng Banal na Espiritu; kung sinasabi ng mga tao na ito ay gawain ng masamang espiritu, mag-aalinlangan ka na rin o sasabihin rin na ito ay gawain ng masamang espiritu. Lagi mong ginagaya ang mga sinasabi ng iba, at hindi mo kayang kumilala mag-isa ng kaibhan ng kahit ano, ni hindi mo kayang mag-isip para sa iyong sarili. Ito ay isang tao na walang paninindigan, na hindi kayang kumilala ng pagkakaiba—ang gayong tao ay walang-halaga at napakasamang tao! Lagi mong inuulit ang mga sinasabi ng iba: Sinasabi ngayon na ito ang gawain ng Banal na Espiritu, ngunit malamang na balang araw ay may magsasabi na hindi ito gawain ng Banal na Espiritu, na ito sa katunayan ay walang iba kundi mga gawa ng tao—ngunit hindi mo ito mahiwatigan, at kapag nasaksihan mong sinasabi ito ng iba, sinasabi mo rin ang gayong bagay. Ito ay talagang gawain ng Banal na Espiritu, ngunit sinasabi mo na gawain ito ng tao; hindi kaya naging isa ka na sa mga lumalapastangan sa gawain ng Banal na Espiritu? Sa bagay na ito, hindi ba’t sumasalungat ka na sa Diyos dahil hindi mo kayang tukuyin ang pagkakaiba? Marahil, may isang hangal na susulpot isang araw at magsasabing “ito ay gawain ng masamang espiritu,” at kapag narinig mo ang mga salitang ito, hindi mo na alam ang gagawin, at muli kang magagapos sa mga sinasabi ng iba. Tuwing may nagpapasimuno ng ligalig, hindi mo magawang manindigan, at ito ay dahil hindi mo taglay ang katotohanan. Ang paniniwala sa Diyos at paghahangad na makilala ang Diyos ay hindi isang madaling bagay. Hindi ito matatamo sa pagtitipon-tipon lamang at pakikinig sa pangangaral, at hindi ka mapeperpekto sa pamamagitan ng bugso ng damdamin lamang. Dapat mong maranasan, at malaman, at magtaglay ng prinsipyo sa iyong mga pagkilos, at makamit ang gawain ng Banal na Espiritu. Kapag sumailalim ka na sa mga karanasan, makakaya mong kilalanin ang maraming bagay—makakaya mong kilalanin ang pagkakaiba ng mabuti at masama, ng katuwiran at kasamaan, ng kung ano ang sa laman at dugo at kung ano ang sa katotohanan. Dapat mong makilala ang pagkakaiba ng mga bagay na ito, at sa pagsasagawa nito, anuman ang mangyari, hindi ka kailanman maliligaw. Ito lamang ang iyong totoong katayuan.

—Ang Salita, Vol. I. Ang Pagpapakita at Gawain ng Diyos. Tanging ang mga Nakakikilala sa Diyos at Nakaaalam sa Kanyang Gawain ang Makapagbibigay-lugod sa Diyos

Ang pinakamabuting gawin ng mga taong nagsasabi na sumusunod sila sa Diyos ay imulat ang kanilang mga mata at tumingin nang husto upang makita kung sino talaga ang pinaniniwalaan nila: Ang Diyos ba talaga ang pinaniniwalaan mo, o si Satanas? Kung alam mo na hindi ang Diyos ang pinaniniwalaan mo, kundi ang sarili mong mga idolo, ang pinakamabuting gawin ay huwag mong sabihin na isa kang mananampalataya. Kung talagang hindi mo alam kung sino ang iyong pinaniniwalaan, muli, ang pinakamabuting gawin ay huwag mong sabihin na isa kang mananampalataya. Ang pagsasabi niyon ay kalapastanganan! Walang sinumang pumipilit sa iyo na maniwala sa Diyos. Huwag ninyong sabihing naniniwala kayo sa Akin; sawa na Ako sa ganyang pananalita, at ayaw Ko nang marinig iyong muli, dahil ang pinaniniwalaan ninyo ay ang mga idolo sa inyong puso at ang lokal na mga maton sa inyo. Lahat ng umiiling kapag naririnig nila ang katotohanan, na ngumingisi kapag nakakarinig sila ng tungkol sa kamatayan, ay mga supling ni Satanas, at sila yaong aalisin. Marami sa iglesia ang hindi makakilala. Kapag may nangyaring isang bagay na mapanlinlang, bigla silang pumapanig kay Satanas; nasasaktan pa sila kapag tinawag silang mga utusan ni Satanas. Bagama’t maaaring sabihin ng mga tao na hindi sila makakilala, lagi silang nasa panig na walang katotohanan, hindi sila pumapanig sa katotohanan kailanman sa kritikal na panahon, hindi sila tumatayo at nakikipagtalo kailanman para sa katotohanan. Wala ba talaga silang pagkakilala? Bakit bigla silang pumapanig kay Satanas? Bakit hindi sila nagsasabi kailanman ng isang salitang makatarungan o makatwiran para suportahan ang katotohanan? Talaga bang nangyari ang sitwasyong ito dahil sa panandalian nilang kalituhan? Kapag mas kaunting pagkakilala ang meron ang mga tao, mas hindi nila nagagawang pumanig sa katotohanan. Ano ang ipinapakita nito? Hindi ba nito ipinapakita na gustung-gusto ng mga taong walang pagkakilala ang kasamaan? Hindi ba nito ipinapakita na sila ay matatapat na supling ni Satanas? Bakit ba palagi nilang nagagawang pumanig kay Satanas at magsalitang kagaya nito? Bawat salita at gawa nila, ang mga ekspresyon sa kanilang mga mukha, ay sapat na lahat upang patunayan na hindi sila mga taong nagmamahal sa katotohanan; sa halip, sila ay mga taong namumuhi sa katotohanan. Sapat nang kaya nilang pumanig kay Satanas upang patunayan na talagang mahal ni Satanas ang walang-kuwentang mga diyablong ito na ginugugol ang kanilang buhay sa pakikipaglaban para sa kapakanan ni Satanas. Hindi ba napakalinaw ng lahat ng katotohanang ito?

—Ang Salita, Vol. I. Ang Pagpapakita at Gawain ng Diyos. Isang Babala sa mga Hindi Nagsasagawa ng Katotohanan

Sanggunian na mga Sipi ng Sermon at Pagbabahagi

Sa pagsisiyasat sa tunay na daan, sa pagsisiyasat sa pagpapakita at gawain ng Diyos, bakit ninyo pinapaniwalaan ang mga salita ni Satanas na diablo? Problema ito. Kapag inyong sinisiyasat ang gawain ng Diyos, kailangan ninyong siyasatin ang Kanyang mga binigkas at tingnan kung ang mga salitang ito ay tinig ng Diyos, kung ang mga ito ay katotohanan at ang gawain ng Diyos. Pagkatapos ay tingnan kung ang gawain ng Banal na Espiritu ay nasa Iglesia ng Makapangyarihang Diyos. Ano ang nakamit ng mga taong ito pagkatapos ng maraming taon ng pananampalataya? Mayroon ba silang anumang kaalaman tungkol sa Diyos? Nagkaroon na ba ng anumang pagbabago sa kanilang disposisyon sa buhay? Nalinis na ba ang mga lason ni Satanas? Kailangan ninyong suriin ang mga bagay na ito. Hindi ninyo sinusuri ang mga salita ng Makapangyarihang Diyos, hindi sinusuri kung kaninong mga salita ang kinakain at iniinom ng piniling bayan ng Diyos sa Iglesia ng Makapangyarihang Diyos o kung kaninong gawain ang kanilang dinaranas—bakit kayo nagtutungo sa malaking pulang dragon at naniniwala sa mga salita ni Satanas na diablo? Bakit kayo naniniwala sa mga salita ng mga relihiyosog pastor at matatanda sa iglesia? Anong uri ba ng mga nilalang sila? Sila’y mga lobo na nagbabalatkayo bilang mga tupa; sila’y mga mapagpaimbabaw na mga anticristo; sila’y mga masasamang lingkod; sila’y mga demonyo na lumalamon ng mga kaluluwa ng mga tao. Bakit hindi ninyo nahahalata ang kanilang pinakadiwa? Ito ang pinakamalaking kamangmangan at kahangalan ng mga tao.

Upang suriin ang tunay na daan, kailangang basahin ang mga salita ng Makapangyarihang Diyos. Pagkatapos lamang nito malalaman ninyo kung ang ipinapahayag ng Makapangyarihang Diyos ay katotohanan, at kung ito’y tinig ng Diyos. Kung makukumpirma ninyo na ito’y katotohanan at tinig ng Diyos, kung magkagayon ay matitiyak ninyo na ito’y pagpapakita at gawain ng Diyos. Kung makatitiyak kayo tungkol diyan, kapag muling nagsalita si Satanas ng mga bagay na negatibo at kasalungat, maniniwala pa ba kayo sa mga ito? Sino ba talaga ang pinapaniwalaan ninyo? Naniniwala ba kayo na ang salita ng Diyos ay ang katotohanan o ang salita ni Satanas ay ang katotohanan? Ito ang pagpili na nahaharap sa tao. Ano ang pipiliin ng taong talagang nagtataglay ng katuwiran? Ang salita ng Diyos ay ang katotohanan. Maaari bang maghayag ng katotohanan ang malaking pulang dragon? Hindi ito makapaghahayag ng katotohanan—makapagsasalita lamang ito ng walang kabuluhan, lumikha ng mga sabi-sabi, at magsinungaling. Malilinlang ka lamang nito at ilalayo ka sa tunay na daan. Bakit ka naniniwala rito? Kapag pumipili ang mga tao, dapat nilang piliin ang katotohanan higit sa lahat. “Tatanggapin ko ang sinumang nagtataglay ng katotohanan. Tatanggapin ko ang sinumang makapagpapahayag ng katotohanan upang iligtas ako, linisin ako, at gawin akong perpekto. Kung hindi ka makapagpapahayag ng katotohanan upang linisin ako, kung hindi mo ako maililigtas, kung gayon lahat ng sinasabi mo ay walang kabuluhan at hindi ako makikinig isa mang salita nito. Sayang lang ang pakikinig sa iyo.” Hindi ba iyon nga ang totoo?

—Mga Sermon at Pagbabahagi Tungkol sa Pagpasok sa Buhay

Kapag sinisiyasat ng ilang tao ang tunay na daan, ibinabatay nila ito sa mga sabi-sabi ng Partido Komunistang Tsino. Sinasabi nila: “Hindi posibleng ito ang tunay na daan. Tingnan ninyo ang pinuno—tinutugis siya ng pulis at kinuha niya ang pera ng iglesia at tumakbo. Hindi ba siya’y kagaya lamang ng isang di-mananampalataya? Paano ito magiging tunay na daan?” Hindi naniniwala sa Diyos ang gayong uri ng tao matapos marinig ang Kanyang tinig. Gusto nilang suriin ang karakter ng iglesia at ng pinuno nito. “Kung ang pinunong ito ay inaprubahan ng pamahalaan at may internasyunal na kabantugan, kung makagawa siya ng magandang pangalan at hindi ikokondena ng pamahalaan at ng lipunang relihiyoso, kung gayo’y maaari nating tanggapin ito. Kung siya’y ikokondena ng pamahalaan at ng lipunang relihiyoso, kung magkagayo’y isa siyang kontrabida. Kaya’t gaano man kamangha-mangha ang salita ng Diyos, hindi namin ito tatanggapin.” Ito ba’y pagsiyasat sa tunay na daan? Ito’y lohika ng isang hangal. Ito’y lohika ni Satanas. Kung sasaliksikin ninyo ang tunay na daan, sa gayon kailangan ninyong hanapin kung ang mga salitang binigkas ng Diyos na nagkatawang-tao ay tunay na tinig ng Diyos, kung ang mga ito ay katotohanan o kung ang mga ito ay gawain ba ng Diyos o hindi. Ito ang dapat ninyong sinisisayat. Kung ang mga salitang ito’y katotohanan, kung ang mga ito ay tinig ng Diyos, at kung ang mga ito ay gawain ng Diyos para sa mga huling araw, kung gayon sa kabila ng maaaring sabihin ni Satanas sa atin, kailangan nating maniwala sa mga salitang ito dahil ang Diyos ay katotohanan, at ang bibig ni Satanas ay puno ng kasinungalingan. Ang mga salita ng Diyos ay katotohanan. Ang Kanyang mga salita ang Kanyang gawain, at ang Diyos ay makatuwiran at banal. Hinding-hindi kailanman maaaring maging mali ang gawain ng Diyos. Sinuman ay maaaring magkamali, ngunit hindi kailanman maaaring magkamali ang Diyos. Sinuman ay maaaring magsinungaling, maaari silang mandaya at manlansi ng kapwa, ngunit hindi nagsisinungaling ang Diyos; ang Diyos ay banal at makatuwiran at Siya ay ang katotohanan. Ang ilang mga tao ay hindi nagsisiyasat sa mga salita ng Diyos kundi tumitingin lamang sa mga pagpuna ng lipunang relihiyoso sa Iglesia ng Makapangyarihang Diyos at sa pinuno ng iglesia. Ngunit ang mga salita ba noong mga nasa relihiyosong sanlibutan ay kumakatawan sa salita ng Diyos? Kung hindi ka nagbabasa ng mga salita ng Diyos, kundi palaging pinapaniwalaan ang salita ni Satanas, hindi ba’t kay Satanas ka nagtitiwala? Naniniwala ka ba talaga na ang mga salita ni Satanas ay katotohanan? Kung gayon, may mga suliranin sa pananampalataya mo; aktibo kang naniniwala sa mga salita ni Satanas. Mayroon ding ilan na, kapag tumitingin sa tunay na daan, ay espesipikong tumitingin sa mga pahayag ng mga kilalang website mula sa sekular na mundo. Sinasabi nila, “Kailangang tama iyong mga nakalagay sa mga website na iyon!” Ngunit, talaga lang, ano ba ang mga website na iyon? Hindi ba sila galing din sa mundong ito? Hindi ba’t isinulat ng mga tiwaling tao ang mga salitang iyon? Hindi ba sila bahagi ng masamang kapangyarihan ni Satanas? Naglalaman ba sila ng katotohanan? Bakit ka maniniwala sa kanila? Lubusang nagsisinungaling sila at nagkakalat ng kamalian. Pinalalaganap nila ang anumang mga sabi-sabi at kasinungalingan na maaaring likhain ng mga maka-Satanas na pamahalaan. Hindi ba niyon ginagawa ang mga ito na mga organizasyong nagpapakalat ng mga kasinungalingan? Ipinapasa nila ang anumang kasinungalingan na nilikha ng pamahalaan ng Komunistang Tsina, anumang pagtatangka nila upang siraan ang Iglesia ng Makapangyarihang Diyos. Kung gayon, hindi ba mga kagamitan ito upang maikalat ni Satanas ang mga kasinungalingan nito? Hindi ba mga kagamitan ito ni Satanas upang linlangin ang tao? Bakit ba pinapaniwalaan ng mga tao ang mga kasinungalingan na iyon kapag sinasaliksik nila ang tunay na daan? Mga sira-ulo ba sila? Naniniwala ba sila na ang sanlibutan ay makatuwiran at patas? Kung ang pamahalaan o ang relihiyosong lipunan ay gumagawa ng mga komento o pag-aangkin kung alin ang tunay na daan at kung sino ang tunay na Diyos, basta na lang silang naniniwala dito. Kapag sinabi ng pamahalaan o ng lipunang relihiyoso na ang isang bagay ay hindi totoo, o sinasabi na ang isang Diyos ay hindi totoo, kung gayon hindi sila naniniwala dito. Sino ang pinaniniwalaan ng mga taong ito? Naniniwala sila sa pamahalaan, naniniwala sila sa mga salita ng lipunang relihiyoso, at sa mga salita ng mga pastor at mga matanda sa iglesia. Tunay bang mananampalataya ang isang kagaya noon? Hindi sila nananampalataya sa Diyos, hindi sila nagtitiwala sa Diyos, hindi sila naniniwalang totoo ang Diyos, at hindi nila inaamin na ang Diyos ay ang katotohanan. Hindi talaga nila alam ang katotohanan. Kaya, kapag ang isang kagaya noon ay nagsisiyasat sa tunay na daan, napaparalisa sila sa sandaling naririnig nila ang mga kasinungalingan at sabi-sabi ni Satanas. Ito ba’y isang taong matalino? Lito sila! Mayroon lamang isang prinsipyo para sa ating pananampalataya sa Diyos: “Kung ang isa ay Diyos, kung maipapahayag Niya ang katotohanan at maililigtas ang sangkatauhan, kung gayo’y mananampalataya ako sa Kanya at ang pananampalataya ko’y hindi matitinag.” At hindi ba tayo nananampalataya sa Diyos upang tumanggap ng katotohanan? Makakamtan mo lamang ang Diyos sa pamamagitan ng pagkamit sa katotohanan. Kung hindi mo makamit ang katotohanan, bigo ang iyong pananampalataya, walang kabuluhan ito, at hindi mo makakamit ang Diyos.

—Mga Sermon at Pagbabahagi Tungkol sa Pagpasok sa Buhay

Ang pagbabalik ni Jesus ay isang dakilang kaligtasan para sa mga may kakayahang tanggapin ang katotohanan, ngunit para sa mga hindi nagagawang tanggapin ang katotohanan ito ay isang tanda ng pagsumpa. Dapat ninyong piliin ang sarili ninyong landas, at hindi ninyo dapat lapastanganin ang Banal na Espiritu at tanggihan ang katotohanan. Hindi kayo dapat maging mangmang at mapagmataas, kundi isang taong sumusunod sa patnubay ng Banal na Espiritu at nananabik at naghahanap sa katotohanan; sa ganitong paraan lamang kayo makikinabang. Pinapayuhan Ko kayo na tahakin nang maingat ang landas ng paniniwala sa Diyos. Huwag kayong magsalita nang patapos; bukod pa riyan, huwag kayong maging kaswal at walang-ingat sa inyong paniniwala sa Diyos. Dapat ninyong malaman na, kahit paano, yaong mga naniniwala sa Diyos ay dapat maging mapagpakumbaba at mapitagan. Yaong mga nakarinig sa katotohanan subalit minamaliit ito ay mga hangal at mangmang. Yaong mga nakarinig sa katotohanan subalit walang-ingat na nagsasalita nang patapos o hinuhusgahan ito ay puno ng kayabangan. Walang sinumang naniniwala kay Jesus ang may karapatang sumpain o husgahan ang iba. Lahat kayo ay dapat magkaroon ng katinuan at maging mga taong tumatanggap sa katotohanan. Marahil, matapos marinig ang daan ng katotohanan at marinig ang salita ng buhay, naniniwala ka na isa lamang sa 10,000 ng mga salitang ito ang naaayon sa iyong mga paniniwala at sa Biblia, at sa gayon ay dapat kang patuloy na maghanap sa ika-10,000 ng mga salitang ito. Pinapayuhan pa rin kita na maging mapagpakumbaba, huwag kang masyadong tiwala sa sarili, at huwag kang masyadong magmalaki. Sa kaunting pagpipitagang taglay mo sa puso mo para sa Diyos, magtatamo ka ng higit na liwanag. Kung sinusuri mong mabuti at paulit-ulit na pinagbubulayan ang mga salitang ito, mauunawaan mo kung katotohanan ang mga ito o hindi, at kung ang mga ito ay buhay o hindi. Marahil, dahil iilang pangungusap lamang ang nabasa, pikit-matang huhusgahan ng ilang tao ang mga salitang ito, na sinasabing, “Kaunting kaliwanagan lamang ito mula sa Banal na Espiritu,” o, “Huwad na Cristo ito na naparito upang linlangin ang mga tao.” Yaong mga nagsasabi ng gayong mga bagay ay nabubulagan ng kamangmangan! Kakaunti ang nauunawaan mo tungkol sa gawain at karunungan ng Diyos, at pinapayuhan kita na magsimulang muli sa wala! Huwag ninyong pikit-matang husgahan ang mga salitang ipinahayag ng Diyos dahil sa paglitaw ng mga huwad na Cristo sa mga huling araw, at huwag kayong maging isang taong lumalapastangan sa Banal na Espiritu dahil natatakot kayong malinlang. Hindi ba kaawa-awa naman iyon? Kung, matapos ang maraming pagsusuri, naniniwala ka pa rin na ang mga salitang ito ay hindi ang katotohanan, hindi ang daan, at hindi pagpapahayag ng Diyos, sa huli ay parurusahan ka, at mawawalan ka ng mga pagpapala. Kung hindi mo matatanggap ang katotohanang iyon na sinambit nang napakaliwanag at napakalinaw, hindi ba hindi ka akma sa pagliligtas ng Diyos? Hindi ba isa kang taong hindi sapat na pinagpalang makabalik sa harap ng luklukan ng Diyos? Pag-isipan mo ito! Huwag kang padalus-dalos at mapusok, at huwag mong ituring na laro ang paniniwala sa Diyos. Mag-isip ka alang-alang sa iyong patutunguhan, alang-alang sa iyong mga inaasam, alang-alang sa iyong buhay, at huwag kang maglaro sa sarili mo. Matatanggap mo ba ang mga salitang ito?

—Ang Salita, Vol. I. Ang Pagpapakita at Gawain ng Diyos. Kapag Namasdan Mo na ang Espirituwal na Katawan ni Jesus, Napanibago na ng Diyos ang Langit at Lupa

Ang walang-kuwentang mga panloloko ng mga walang pagkakilala ay hahantong sa kanilang pagkawasak sa mga kamay ng masasamang tao, ililigaw sila ng mga ito, at hindi na makakabalik. At gayong pagtrato ang nararapat sa kanila, dahil hindi nila mahal ang katotohanan, dahil hindi nila kayang pumanig sa katotohanan, dahil sumusunod sila sa masasamang tao at pumapanig sa masasamang tao, at dahil nakikipagsabwatan sila sa masasamang tao at lumalaban sa Diyos. Alam na alam nila na ang mababanaag sa masasamang taong iyon ay kasamaan, subalit pinatitigas nila ang kanilang puso at tinatalikuran ang katotohanan upang sundan ang mga ito. Hindi ba gumagawa ng kasamaan ang lahat ng taong ito na hindi nagsasagawa ng katotohanan kundi gumagawa ng nakakasira at kasuklam-suklam na mga bagay? Bagama’t mayroon sa kanila na naghahari-harian at sumusunod naman sa kanila ang iba, hindi ba pare-pareho silang likas na masuwayin sa Diyos? Ano ang ikakatwiran nila para sabihin na hindi sila inililigtas ng Diyos? Ano ang ikakatwiran nila para sabihin na hindi matuwid ang Diyos? Hindi ba ang sarili nilang kasamaan ang sumisira sa kanila? Hindi ba ang sarili nilang pagkasuwail ang humahatak sa kanila pababa sa impiyerno?

—Ang Salita, Vol. I. Ang Pagpapakita at Gawain ng Diyos. Isang Babala sa mga Hindi Nagsasagawa ng Katotohanan

Si Cristo ang pasukan ng tao patungo sa kaharian sa mga huling araw, at walang sinuman ang makalalampas sa Kanya. Hindi magagawang perpekto ng Diyos ang sinuman kung hindi sa pamamagitan ni Cristo lamang. Naniniwala ka sa Diyos, kaya dapat mong tanggapin ang Kanyang mga salita at sundin ang Kanyang daan. Hindi mo maaaring isipin lamang ang magkamit ng mga pagpapala kung wala ka namang kakayahang tumanggap ng katotohanan at wala kang kakayahang tumanggap ng pagtustos ng buhay. Darating si Cristo sa mga huling araw upang mabigyan ng buhay ang lahat ng tunay na naniniwala sa Kanya. Alang-alang sa pagtatapos ng lumang kapanahunan at pagpasok sa bago ang Kanyang gawain, at ang Kanyang gawain ang landas na dapat tahakin ng lahat ng papasok sa bagong kapanahunan. Kung wala kang kakayahang kilalanin Siya, at sa halip ay kinokondena, nilalapastangan, o inuusig pa Siya, kung gayon ay nakatadhana kang masunog nang walang-hanggan at hindi ka kailanman makapapasok sa kaharian ng Diyos. Dahil ang Cristong ito ang Mismong pagpapahayag ng Banal na Espiritu, ang pagpapahayag ng Diyos, ang Siyang pinagkatiwalaan ng Diyos na gawin ang Kanyang gawain sa lupa. Kaya naman sinasabi Ko na kung hindi mo matatanggap ang lahat ng ginagawa ni Cristo ng mga huling araw, kung gayon ay nilalapastangan mo ang Banal na Espiritu. Maliwanag sa lahat ang ganting matatanggap ng mga lumalapastangan sa Banal na Espiritu. Sinasabi Ko rin sa iyo na kung nilalabanan mo si Cristo ng mga huling araw, kung tinatanggihan mo nang may paghamak si Cristo ng mga huling araw, wala nang iba pa ang makapagpapasan sa mga kahihinatnan para sa iyo. Higit pa rito, simula sa araw na ito ay hindi ka na magkakaroon ng isa pang pagkakataong makamit ang pagsang-ayon ng Diyos; kahit na subukan mo pang makabawi, hindi mo na mapagmamasdan muli ang mukha ng Diyos kahit kailan. Sapagkat hindi isang tao ang nilalabanan mo, hindi isang mahinang nilalang ang tinatanggihan mo nang may paghamak, kundi si Cristo. Alam mo ba ang kahihinatnan nito? Hindi isang maliit na pagkakamali ang magagawa mo, kundi isang karumal-dumal na krimen. Kaya naman pinapayuhan Ko ang lahat na huwag ilabas ang mga pangil ninyo sa harap ng katotohanan, o gumawa ng walang-ingat na mga pamumuna, dahil ang katotohanan lamang ang makapagdadala sa iyo ng buhay, at wala nang iba pa kundi katotohanan ang makapagdudulot sa iyo na muli kang isilang at mapagmasdang muli ang mukha ng Diyos.

—Ang Salita, Vol. I. Ang Pagpapakita at Gawain ng Diyos. Tanging si Cristo ng mga Huling Araw ang Makapagbibigay sa Tao ng Daan ng Buhay na Walang Hanggan

Nagtitiwala kami na walang bansa o kapangyarihan ang maaaring pumigil sa kung ano ang nais ng Diyos na makamit. Ang mga humahadlang sa gawain ng Diyos, lumalaban sa salita ng Diyos at nanggugulo at sumisira sa plano ng Diyos ay parurusahan ng Diyos sa huli. Siya na lumalabag sa gawain ng Diyos ay ipadadala sa impiyerno; anumang bayan na sumusuway sa gawain ng Diyos ay wawasakin; anumang bansa na tumututol sa gawain ng Diyos ay mabubura sa daigdig na ito, at titigil sa pag-iral. Hinihikayat Ko ang mga tao ng lahat ng bansa, lahat ng bayan, at maging lahat ng industriya na makinig sa tinig ng Diyos, masdan ang gawain ng Diyos at bigyang-pansin ang kapalaran ng sangkatauhan, upang magawa ang Diyos na pinakabanal, pinaka-kagalang-galang, pinakamataas, at tanging pag-uukulan ng pagsamba ng sangkatauhan, at magbigay-daan sa buong sangkatauhan upang mamuhay sa ilalim ng pagpapala ng Diyos, tulad ng mga inapo ni Abraham na namuhay sa ilalim ng pangako ni Jehova, at tulad nina Adan at Eba, na orihinal na ginawa ng Diyos, na namuhay sa Hardin ng Eden.

Ang gawain ng Diyos ay sumusulong tulad ng rumaragasang alon. Walang sinuman ang maaaring pumigil sa Kanya, at wala ni isang maaaring magpahinto sa Kanyang mga yapak. Tanging ang mga taong nakikinig nang mabuti sa Kanyang mga salita, at mga taong naghahanap at nauuhaw sa Kanya, ang maaaring sumunod sa Kanyang mga yapak at makatanggap ng Kanyang pangako. Ang mga tao namang hindi ay sasailalim sa napakalaking kapahamakan at karapat-dapat sa kaparusahan.

—Ang Salita, Vol. I. Ang Pagpapakita at Gawain ng Diyos. Apendise 2: Ang Diyos ang Namumuno sa Kapalaran ng Buong Sangkatauhan

Sanggunian na mga Sipi ng Sermon at Pagbabahagi

Kung tatanggapin at isasaloob ng tao ang mga kamalian, mga sabi-sabi, at mga kasinungalingan ni Satanas, kung gayon ano ang likas ng usapin? Ano ang mga kahihinatnan? Ang isa na tumatanggap sa mga kamalian at kasinungalingan ni Satanas ay tumatanggap sa mga bulaang salita ni Ssatanas, at sila’y nagawa na namang tiwali ni Satanas. Kung kailan tinatanggap ng tao ang mga kasinungalingan ni Satanas, iyon ang panahon na napapabilang siya kay Satanas. Sa mata ng Diyos kabilang na siya kay Satanas. Pagkatapos noon, bumubuo siya ng mga kaisipan at opinyon na salungat sa Diyos, at bumubuo ng mga pagkilos at pagpapamalas ng paglaban sa Diyos. Halimbawa, pagkatapos na maakit ni Satanas sina Adan at Eva at kumain sila ng bunga mula sa puno ng pagkaalam ng mabuti at masama, ano ang mga agarang resulta? Pinaalis sila ng Diyos sa Halamanan ng Eden, at hindi na sumasakanila ang Diyos. Kung magkagayon, bakit naging napakalupit ng Diyos kina Adan at Eva? Dahil nilabag nila ang disposisyon ng Diyos. Hindi nila binigyang-pansin ang mga salita ng Diyos; hindi naman sa hindi ipinabatid sa kanila ng Diyos. Sinabihan sila ng Diyos na huwag kumain ng bunga mula sa puno ng pagkaalam ng mabuti at masama, “Sapagka’t sa araw na ikaw ay kumain niyaon ay walang pagsalang mamamatay ka” (Genesis 2:17). Sinuway nila ang mga salita ng Diyos; hindi sila nanatiling tapat sa mga salita ng Diyos, kaya’t sila’y pinalayas sa Halamanan ng Eden. Gayon kalupit ang mga resulta. Hindi isang uri ng laro ang pagtanggap sa mga iminumungkahi ni Satanas. Sa Diyos, iyo’y pagtaksil na sa Kanya, kaya’t hindi na sumakanila ang Diyos pagkatapos noon. Kinamuhian sila ng Diyos—ganoon kagrabe ang kalagayan. Kaya’t ngayong tinanggap na ninyo ang Makapagyarihang Diyos, kung naniniwala pa rin kayo sa mga kasinungalingan ni Satanas at tinatanggap ang mga sabi-sabi nito, kahit hindi pa ninyo iniiwan ang iglesia ng Diyos, sa paningin ng Diyos napaggtaksilan na ninyo Siya at hindi na Siya sumasainyo. Kung makaharap ninyo ang mga sabi-sabi at mga kamaliang ito ni Satanas, dapat na agad kayong manalangin: “O Diyos, mangyaring liwanagan at linawan Mo ako. Ipagtanggol Mo ako upang aking matanggihan ang mga bagay na ito at si Satanas, at palaging sabihing ‘Hindi’ kay Satanas. Hindi ko tatanggapin ang mga kasinungalingan at kamalian ni Satanas.” Patutunayan nito na kayo’y naging saksi at hindi kayo pinabagsak ng panunukso ni Satanas.

—Mga Sermon at Pagbabahagi Tungkol sa Pagpasok sa Buhay

Partikular na nakikinig ang ilang tao sa mga salita ni Satanas. At ano ang nangyayari kapag ginagawa nila ito? Sa pagdating ng tunay na Diyos, napapalampas nila Siya, hindi nila Siya tinatanggap. Ano ang kahihinatnan ng kabiguang tangapin Siya? Ang kahihinatnan ay pagkawasak at kamatayan! Ano ang gawaing gagampanan ng Diyos sa mga huling araw? Una sa lahat, gagawing perpekto ng Diyos ang isang grupo ng mga tao, pagkatapos ay ililigtas ang isang grupo ng mga tao, at sa huli ay wawasakin ang sangkatuhan—ang tatlong bagay na ito. Ang unang bagay ay gawing perpekto ang isang grupo ng mga tao bago dumatng ang sakuna. Ang pangalawa ay pinuhin at iligtas ang ilang tao. Ang pangatlo ay wasakin ang lahat ng nabibilang kay Satanas sa pamamagitan ng sakuna. Ano ang ibig sabihin ng wawasakin ang lahat ng nabibilang kay Satanas? Gaano kalawak ang sakop ng mga katulad ni Satanas? Sinasabi ng Diyos, “Maliban doon sa mga sumusunod sa agos, lahat ay magiging abo.” Samakatuwid, sa huling bahagi ng malaking kasawian, lahat ng hindi tumanggap sa gawain ng Panginoong Diyos ay mamamatay. Ngayon na malinaw nating nakikita, kung makikinig ang tao sa mga sabi-sabi at kalokohan ni Satanas, na itinatakwil at tinatanggihan ang gawain ng Diyos, ano ang kanyang magiging wakas? Wawasakin siya at gagawing abo! Ngayon ay makukumpirma din natin ito: Silang nagbibigay-pansin sa mga sabi-sabi ng malaking pulang dragon at ng mga samahang relihiyoso ay wawasakin ng Diyos sa bandang huli. Bakit wawasakin ang mga taong ito? Dahil hindi nila tinanggap ang gawain ng Makapangyarihang Diyos. Sila’y nalinlang at iginapos ni Satanas at sa gayon ay hindi tumanggap sa tunay na daan o humarap sa Diyos. Bilang bunga, sila’y wawasakin ng Diyos sa wakas. Kaya’t ang mga resulta ng pakikinig sa mga sabi-sabi at kalokohan ni Satanas ay kamatayan.

—Mga Sermon at Pagbabahagi Tungkol sa Pagpasok sa Buhay

Yamang hinahanap natin ang mga yapak ng Diyos, dapat nating hanapin ang kalooban ng Diyos, ang mga salita ng Diyos, ang mga pagpapahayag ng Diyos—sapagka’t kung saanman naroon ang mga bagong salita na binibigkas ng Diyos, naroon ang tinig ng Diyos, at kung saanman naroon ang mga yapak ng Diyos, naroon ang mga gawa ng Diyos. Kung saanman naroon ang pagpapahayag ng Diyos, doon nagpapakita ang Diyos, at kung saanman nagpapakita ang Diyos, doon umiiral ang katotohanan, ang daan, at ang buhay. Sa paghahanap sa mga yapak ng Diyos, nabalewala na ninyo ang mga salitang “Ang Diyos ang katotohanan, ang daan, at ang buhay.” At kaya, maraming tao, kahit pa tumatanggap sila ng katotohanan, ang hindi naniniwala na nakita na nila ang mga yapak ng Diyos, at lalo nang hindi nila kinikilala ang pagpapakita ng Diyos. Napakatinding pagkakamali! Ang pagpapakita ng Diyos ay hindi maipagkakasundo sa mga kuru-kuro ng tao, at lalong hindi maaaring magpakita ang Diyos ayon sa utos ng tao. Ang Diyos ay gumagawa ng Kanyang sariling mga pagpapasya at Kanyang sariling mga plano kapag ginagawa Niya ang Kanyang gawain; bukod dito, Siya ay may sariling mga layunin, at sarili Niyang mga pamamaraan. Anupaman ang gawaing ginagawa Niya, hindi Niya kailangang talakayin ito sa tao o hingin ang payo nito, lalo na ang ipaalam sa bawat tao ang tungkol sa Kanyang gawain. Ito ang disposisyon ng Diyos, na dapat, higit pa rito, kilalanin ng lahat. Kung nais ninyong masaksihan ang pagpapakita ng Diyos, sundan ang mga yapak ng Diyos, kung gayon nararapat muna ninyong iwan ang inyong sariling mga kuru-kuro. Hindi mo dapat utusan ang Diyos na gawin ito o iyan, lalong hindi mo Siya dapat ikulong sa sarili mong mga hangganan at limitahan Siya sa sarili mong mga kuru-kuro. Sa halip, dapat ay inoobliga ninyo sa inyong mga sarili kung paano ninyo dapat hanapin ang mga yapak ng Diyos, kung paano ninyo dapat tanggapin ang pagpapakita ng Diyos, at kung paano kayo dapat magpasailalim sa bagong gawain ng Diyos: Ito ang dapat na gawin ng tao. Dahil ang tao ay hindi ang katotohanan, at hindi nagtataglay ng katotohanan, dapat siyang maghanap, tumanggap, at sumunod.

—Ang Salita, Vol. I. Ang Pagpapakita at Gawain ng Diyos. Apendise 1: Ang Pagpapakita ng Diyos ay Naghatid ng Isang Bagong Kapanahunan

Ngayon, nakagawa na ang Diyos ng bagong gawain. Maaaring hindi mo magawang tanggapin ang mga salitang ito, at maaaring tila kakaiba ito sa iyo, ngunit ang ipapayo Ko sa iyo ay huwag ilantad ang iyong naturalesa, sapagkat yaon lamang mga tunay na nagugutom at nauuhaw sa katuwiran sa harap ng Diyos ang maaaring magtamo ng katotohanan, at yaon lamang mga tunay na matapat ang maliliwanagan at magagabayan Niya. Natatamo ang mga resulta sa pamamagitan ng paghahanap sa katotohanan nang may mahinahong kapanatagan, hindi sa pakikipag-away at pakikipagtalo. Kapag sinabi kong “ngayon, nakagawa ang Diyos ng bagong gawain,” tinutukoy Ko ang pagbabalik ng Diyos sa katawang-tao. Marahil ay hindi nakakaligalig sa iyo ang mga salitang ito; marahil ay kinamumuhian mo ang mga ito; o marahil pa nga ay may malaking interes ka sa mga iyon. Anuman ang sitwasyon, sana ay kayang harapin ng lahat ng tunay na nasasabik na magpakita ang Diyos ang katunayang ito at mabigyan ito ng kanilang maingat na pagsusuri, sa halip na magsalita nang patapos tungkol dito; iyan ang dapat gawin ng isang matalinong tao.

Hindi mahirap magsiyasat tungkol sa gayong bagay, ngunit kinakailangan nito na malaman ng bawat isa sa atin ang katotohanang ito: Siya na Diyos na nagkatawang-tao ay magtataglay ng diwa ng Diyos, at Siya na Diyos na nagkatawang-tao ay magtataglay ng pahayag ng Diyos. Dahil ang Diyos ay naging tao, ilalahad Niya ang gawaing layon Niyang gawin, at dahil ang Diyos ay naging tao, ipapahayag Niya kung ano Siya, at magagawa Niyang ihatid ang katotohanan sa tao, pagkalooban siya ng buhay, at ituro ang daan para sa kanya. Ang katawang-tao na walang diwa ng Diyos ay tiyak na hindi ang Diyos na nagkatawang-tao; walang duda ito. Kung layon ng tao na magsiyasat kung ito ang katawang-tao ng Diyos, kailangan niyang patunayan ito mula sa disposisyon na Kanyang ipinapahayag at sa mga salitang Kanyang sinasambit. Ibig sabihin, patunayan kung ito nga ang katawang-tao ng Diyos o hindi, at kung ito nga ang tunay na daan o hindi, kailangan itong matukoy batay sa Kanyang diwa. Kaya nga, sa pagtukoy kung ito ang katawan ng Diyos na nagkatawang-tao, ang sagot ay nasa Kanyang diwa (Kanyang gawain, Kanyang mga pagbigkas, Kanyang disposisyon, at maraming iba pang aspeto), sa halip na sa panlabas na anyo. Kung ang susuriin lamang ng tao ay ang Kanyang panlabas na anyo, at dahil dito ay hindi napansin ang Kanyang diwa, ipinapakita niyan na ang tao ay mangmang at walang alam.

—Ang Salita, Vol. I. Ang Pagpapakita at Gawain ng Diyos. Paunang Salita

Ang Aking mga salita ay ang katotohanang hindi magbabago kailanman. Ako ang tagapagbigay ng buhay para sa tao at ang tanging gabay para sa sangkatauhan. Ang halaga at kahulugan ng Aking mga salita ay hindi itinatakda ng pagkilala o pagtanggap ng sangkatauhan, kundi ng mismong diwa ng mga salita. Kahit na wala ni isang tao sa daigdig na ito ang makatatanggap ng Aking mga salita, ang halaga ng Aking mga salita at ang tulong ng mga ito sa sangkatauhan ay hindi masusukat ng sinumang tao. Samakatuwid, kapag nahaharap sa maraming tao na naghihimagsik, nagpapabulaan, o lubos na nanglalait sa Aking mga salita, ang Aking paninindigan ay ito lamang: Hayaan ang panahon at katunayan na maging saksi Ko at magpakita na ang Aking mga salita ang katotohanan, ang daan, at ang buhay. Hayaang ipakita ng mga ito na ang lahat ng Aking sinabi ay tama, at iyon ang dapat na maipagkaloob sa tao, at, higit pa rito, ito ang dapat tanggapin ng tao. Hahayaan Ko ang lahat ng sumusunod sa Akin na malaman ang katunayang ito: Ang mga hindi kayang tumanggap nang lubos sa Aking mga salita, ang mga hindi kayang isagawa ang Aking mga salita, ang mga hindi makahanap ng layunin sa Aking mga salita, at ang mga hindi tumanggap ng kaligtasan dahil sa Aking mga salita, ay ang mga taong nakondena ng Aking mga salita at, bukod dito, nawalan ng Aking kaligtasan, at hindi kailanman malilihis ang Aking tungkod sa kanila.

—Ang Salita, Vol. I. Ang Pagpapakita at Gawain ng Diyos. Dapat Ninyong Isaalang-alang ang Inyong mga Gawa

Lahat ng kayang sundin ang kasalukuyang mga pagpapahayag ng Banal na Espiritu ay mga pinagpala. Hindi mahalaga kung paano man sila dati, o kung paano gumawa ang Banal na Espiritu sa kalooban nila dati—yaong mga nagkamit na ng pinakabagong gawain ng Diyos ang mga pinakapinagpala, at yaong hindi nakasusunod sa pinakabagong gawain sa kasalukuyan ay inaalis. Nais ng Diyos yaong kayang tanggapin ang bagong liwanag, at nais Niya yaong tumatanggap at nakakaalam sa Kanyang pinakabagong gawain. Bakit sinasabi na dapat kang maging isang malinis na birhen? Nagagawa ng isang malinis na birhen na hangarin ang gawain ng Banal na Espiritu at maunawaan ang mga bagong bagay, at higit pa rito, nagagawang isantabi ang mga dating kuru-kuro, at sundin ang gawain ng Diyos sa kasalukuyan. Ang grupong ito ng mga tao, na tumatanggap sa pinakabagong gawain sa kasalukuyan, ay mga unang itinalaga ng Diyos bago pa ang mga kapanahunan, at ang mga pinakapinagpala sa lahat ng tao. Naririnig ninyo nang tuwiran ang tinig ng Diyos, at nakikita ang pagpapakita ng Diyos, at kaya, sa kabuuan ng langit at lupa, at sa kabuuan ng mga kapanahunan, walang sinuman ang naging mas pinagpala kaysa sa inyo, ang grupong ito ng mga tao.

—Ang Salita, Vol. I. Ang Pagpapakita at Gawain ng Diyos. Alamin ang Pinakabagong Gawain ng Diyos at Sumunod sa Kanyang mga Yapak